13 şıldede Astanada «EXPO» alaŋynda Jaŋa adamdar jastar qozǧalysynyŋ ūiymdastyruymen «Qazaqstan – bar ǧūmyrym!» Bırınşı jastar Konventı bastaldy. Şaraǧa qatysuǧa 15 myŋnan astam adam ötınış bıldırdı. Konkurstyq ırıkteu nätijelerı boiynşa ümıtkerlerdıŋ jartysy ǧana Konventke bilet aldy. Nätijesınde bügın elordada elımızdıŋ 20 öŋırınen kelgen 7 myŋnan astam qatysuşy bır-bırımen tanysyp, Qazaqstandaǧy eŋ üzdık azamattyq nauqandardy taŋdau üşın jinaldy.
Konventtıŋ basty erekşelıgı jappai tanystyqtar bolmaq. Berık köldeneŋ bailanystar jasau üşın qatysuşylarǧa dostar «mainingıne» arnalǧan bıregei mobildı qosymşa jäne Konventtıŋ arnaiy ışkı valiutasy - DOS_coin ūsynyldy, ony şaranyŋ 15 alaŋynan aluǧa bolady. Alynǧan monetalardy konvent tauarlaryna, sarapşylardyŋ jeke şeberlık sabaqtaryna, tanymal qazaqstandyq brendterdıŋ kiımderıne jäne basqa da baǧaly syilyqtarǧa aiyrbastauǧa bolady.
Künı boiy Konvent alaŋynda «ZNAKOMAT» chellendjderı ötedı. Qatysuşylar negızgı ekran tıkelei efirın baqylap, özderın körse, jaŋa dospen kezdesu üşın şūǧyl türde körsetılgen aimaqqa jügıruı kerek.
Konventtıŋ basty şarasy «Aksionistter jarysy» bolmaq. Jaŋa Adamdardyŋ 12 bıregei azamattyq nauqany qatysuşylardyŋ dauysy men bas jülde – öŋırlerde jobalaryn damytuǧa arnalǧan maqsatty grant üşın jarysatyn bolady. Jarysqa qatysuşylardyŋ arasynda zaŋsyz qoqys alaŋdarymen, būzaqylyqpen, dükenderde merzımı ötken tauardardy satumen, äielderge körsetıletın zorlyq-zombylyqpen, qūmar oiyndarǧa täueldılıkpen, kämeletke tolmaǧandarǧa ışımdık satumen jäne t.b. küresetın azamattyq nauqandar bar.
Konvent aumaǧynda künı boiy bıregei mazmūndy jäne tanymal spikerlerdıŋ qatysuymen därıster jūmys jasaityn bolady. Ärkım özıne jaqyn dünienı taba alady: bılım aimaǧy, TikTok aimaǧy, üzdıkter, tamaqtanu, bi, streetart, muzyka, gik mädenietı jäne stil aimaqtary. Sport süier qauymǧa futbol, küres, streetball, skateboarding/bmx jäne workout aimaqtary qyzyq boluy mümkın. Konvent soŋynda Ninety One, Dequine, Aikyn, BONAPART jäne arnaiy qūpiia qonaq öner körsetetın gala-konsert bolady!
Asel Badenova, Jaŋa Adamdar köşbasşysy: «Tūtas halyq bolyp bırge boludy üirenu – öner. Al būl fakultet äzırge eşbır universitette joq. Bügın bız bırınşı kışkentai tapsyrmany oryndaǧymyz keledı - bärın bır-bırımen tanystyru, osylaişa senderdıŋ qarym-qatynastaryŋ jäne dostyqtaryŋ bastalyp, jyldar boiy aralaryŋdy böletın kez kelgen qaşyqtyqqa qaramastan söilesuge mümkındık beredı. Al bızdıŋ bükıl Qazaqstanmen kezdesulerımız jyl saiynǧy dästür bolyp, jaŋa merekege ainalǧanyn qalaimyz».
