Qazaqstandyq áıel kúıeýinen qysym kórip, onyń fızıkalyq kúsh qoldanyp, balalarymen birge úıinen qýyp jibergenin aıtty, - dep habarlaıdy “Adyrna” ulttyq portaly.
Áleýmettik jelidegi paraqshasynda qazaqstandyq Dana Áteshova esimdi áıel 12 shilde kúni burynǵy kúıeýi men onyń senimdi adamdary tártip saqshylarynyń ilesýimen ony úıinen qýyp shyqpaq bolǵanyn habarlady. Áteshova paraqshasynda eks-kúıeýiniń ony aıaǵynan kúshtep súırep, úıdiń bosaǵasynan qýyp shyqqanyn kórsetken beınelerdi jarııalady. Taǵy bir kadrlardan beti aýzy qan-josa bolǵan balalardy polıııa qyzmetkerleriniń úıden alyp shyǵyp bara jatqanyn baıqaýǵa bolady.
Áteshovanyń jazbalarynyń astyndaǵy pikirlerde jeli qoldanýshylary jaǵdaıǵa syrttan qarap turǵan er-adamdar men polıııanyń áreketsizdigine narazylyqtaryn bildirdi.
Buǵan deıin Áteshova burynǵy kúıeýiniń (Shymkenttiń burynǵy ákimi Murat Áıtenovtiń aǵasy) ústinen birneshe ret shaǵymdanǵan. Onyń aıtýynsha, 2020 jyly kúıeýimen senimhat arqyly zańsyz ajyrasqan. Osydan keıin, Áteshovanyń aıtýynsha, er adam balalardy asyraý úshin aqsha berýden bas tartty. Sotta jeńiske jetkennen keıin de ol eń tómengi somany ǵana tólegen.
Otbasy burynǵy kúıeýiniń dosynyń ıeligindegi úıde turady, biraq shyn máninde áıeldiń aıtýynsha, múlik burynǵy kúıeýine tıesili. 2022 jyly sot ony balalarymen birge úıinen shyǵarý týraly sheshim qabyldady.
Beınejazbalarǵa jaýap retinde Astana polıııasy jeke sot oryndaýshylarynyń turǵyn úıden shyǵarý týraly sot sheshimin oryndaý barysynda burynǵy erli-zaıyptylardyń arasynda janjal oryn alǵanyn habarlady.
«A.-nyń burynǵy kúıeýine qatysty fızıkalyq kúsh qoldaný faktisi boıynsha sotqa deıingi tergeý bastaldy, onyń qorytyndysy boıynsha proessýaldyq sheshim qabyldanady», - dep qosty polıııa.
