Elordada «rezeńke» páterdiń ıesi sottaldy. Jalpy aýdany 35,7 sharshy metrdi quraıtyn bir bólmeli páterge 937 adam tirkeýge turǵan, - dep habarlaıdy "Adyrna" ulttyq portaly Astana prokýratýrasyna silteme jasap.
Jaǵdaıǵa baılanysty "Zańsyz kóshi-qondy uıymdastyrý" (QK 394-babynyń 1-bóligi) boıynsha qylmystyq is qozǵaldy.
«Memlekettik aıyptaýshy-prokýror sottalýshynyń zańsyz kóshi-qondy uıymdastyrýdaǵy kinásin turǵyn úımen qamtamasyz etý arqyly dáleldedi. Sot úkimimen «rezeńke» páterdiń ıesi kináli dep tanyldy. Úkim zańdy kúshine endi», - dedi qadaǵalaý organy.
Osy baptyń sankııasy boıynsha 2000 AEK (2024 jyly 7 384 000 teńgege deıin) mólsherinde aıyppul salýdy nemese sol mólsherde túzeý jumystaryn júrgizýdi; alty júz saǵatqa deıin múlkin tárkileı otyryp qoǵamdyq jumystarǵa tartý; nemese eki jylǵa deıingi merzimge bas bostandyǵyn shekteý jazasy qarastyrylǵan.
