Tólemderdi tolyǵymen alýǵa bolady
Birinshi vıe-mınıstr Erjan Jylqybaevtyń aıtýynsha, aldymen úıdi kóshirýge ketetin shyǵyndarǵa bir rettik tólem beriledi. Onyń kólemi – otbasynyń árbir múshesine 88 000 teńge.
"Budan bólek, baspanany jaldaýǵa jáne kommýnaldyq qyzmetterdi tóleýge 30 aılyq eseptik kórsetkish – 75 750 teńge qarastyrylǵan. Bul aqsha aı saıyn bir jyl boıy tólenedi. Sondaı-aq, kóship kelgen adamdardy jumysqa alǵan mekemelerge sýbsıdııa bólinip turady", - dedi Jylqybaev úkimet úıinde ótken baspasóz máslıhatynda.
Onyń sózine qaraǵanda, baspanany jaldaýǵa beriletin aqshany tolyǵymen alýǵa da bolady.
"Eger kóship barǵan adam satyp alýǵa úı tapsa, ótinish jazyp, on eki aıǵa beriletin qarjyny birden alsa da bolady. Ol aqshanyń kólemi 1 mıllıonǵa jýyqtaıdy. Óziniń aqshasyn qosyp, úı alamyn dese, bıýdjettiń qarjysy birden aýdarylady. Mysaly, aýyldarda úı arzan", - dep atap kórsetti Jylqybaev.
2 myńnan astam otbasy soltústikke kóshiriledi
Resmı málimetke sáıkes, bıyl 2 250 otbasyny ońtústikten soltústikke kóshirý josparlanǵan. Olardyń jalpy sany – 10 000 adam. Osy ýaqytqa deıin 1 050 otbasy nemese 4 000 adam kóshirildi. Olardyń 60 proenti jumysqa ornalastyryldy.
Osy baǵdarlama aıasynda "Nurly Ertis" jobasy qolǵa alynyp, elordanyń kópbalaly otbasylary Ekibastuz qalasyna qonys aýdaryp jatyr.
Jyl basynan beri "Nurly Ertis" pılottyq jobasymen 103 kópbalaly otbasy Ekibastuzǵa kóship barǵan. Olardyń barlyǵy baspanamen qamtyldy. Eńbekke jaramdy adamdardyń 80 proenti jumysqa turǵyzyldy. Balalarǵa balabaqsha men mektepten oryn berildi.
"Jyl sońyna deıin Nur-Sultan qalasynan taǵy 200-den astam otbasy Ekibastuzǵa kóshiriledi. Pılottyq joba aıasynda Soltústik Qazaqstanǵa 3 mıllıard teńge bólindi. Osy aqshaǵa kóship keletin adamdarǵa 428 arendalyq turǵyn úı salynady", - deıdi Jylqybaev.
"Adyrna" ulttyq portaly
