Reseılik maman kim chempıon bolatynyn boljady

2796
Adyrna.kz Telegram

Erkin kúresten Qazaqstan ulttyq quramasy óz elinde ótetin álem chempıonatyna daıyndyq aıasynda Polsha astanasy Varshavaǵa attandy.

Tanymal balýan qazaq sportshylary ishinen kimniń tosynsyı jasaýy múmkin ekenin aıtty.

Erkin kúresten Qazaqstan ulttyq quramasy Varshavadaǵy "Valav ıolkovskıı memorıaly-2019" týrnırine qatysady.
Osyǵan deıin bapkerler shtaby dál osy jarystan keıin tolyq quram anyqtalady dep aıtqan bolatyn.
Reseı quramasy sapynda asa aýyr salmaqta beldesken tanymal erkin kúres sheberi Edýard Bazrov, álem chempıonatynda qaı qazaq atoı salýy múmkin ekenin topshylady. Ol ár jyldary Reseı chempıony atanyp, iri xalyqaralyq týrnılerdiń jeńimpazy men júldegerler qatarynan kórinip, boz kilemde Bılıal Maxovtyń basty qarsylasy boldy. Qazir Edýard Qazaqstan Federaııasynyń shaqyrýymen Grek-rım, erkin jáne áıelder kúresi Akademııasynda jastar jáne jasóspirimderdiń fızıkalyq daıyndyǵyna jaýap beredi.
- Biz únemi Akademııada ómir súrgennen keıin, jıyn kezinde quramamen birge jattyǵamyz. Jigitter kóz almdymyzda júr. Kimniń qanshalyqty deńgeıde daıyn ekenin kóre alamyz. Polshadaǵy týrnır álem chempıonatyna degen daıyndyqtyń sheshýshi kezeńi dep aıtýǵa bolady. Myqtylarmen kúresip qalýdyń sońǵy múmkindigi bolyp tur. Álem birinshiligine deıin az ǵana ýaqyt qaldy. Jalpy, bapkerler shtaby da úlken dodaǵa qatysatyn komandanyń jospary da bar shyǵar. Keıbir salmaq dárejelerinde atoı salmasaq ta, keıbirinde medal úshin kúrese alamyz. Mysaly, Azııa chempıony, byltyrǵy álem chempıonatynyń fınalısti - Nurıslam Sanaev. Danııar Qaısanov (74 keli) tamasha maýsym ótkizdi. Azııa chempıony atanyp, Sassarıdegi týrnır fınalynda ataǵynan at úrketin Frank Chamızoǵa sál ese jiberip aldy. 65, 86, 92 jáne 125 kelide naqty sheshim qabyldanbady. Osy salmaqtaǵy balýandardy Polshadaǵy týrnırden keıin bilemiz. Jarysta kimniń baǵy janady, sol quramanyń namysyn qorǵamaq.

- Edýard, kezinde siz asa aýyr salmaq dárejesi 125 kelige deıin beldestińiz. Osy salmaqta Oleg Boltın jáne Iýsýp Batyrmýrzaev sekildi eki úmitkerimiz bar. Sizdiń oıyńyzsha, kimniń múmkindigi kóbirek?
- Batyrmýrzaev úshin bıylǵy maýsym sátti boldy dep aıtýǵa bolady. 23 jasqa deıingilerdiń arasynda Azııa chempıony atandy. Ol jerde eresektershe kúres kórsetti. Oleg Boltın aýyr salmaqtaǵy Qazaqstannyń betke ustar balýandarynyń biri. Ekeýi de tártipke baǵynatyn, tamasha sportshylar. Ekeýiniń de Polshaǵa attanǵany óte durys sheshim. Týrnır qorytyndysy boıynsha úzdigi anyqtalady. Eń myqtysy jeńiske jetsin.
- Ár álem chempıonaty jańa esimderdiń týýyna múmkindik beredi. Qazaqstandyq qaı balýan barshanyń nazaryn ózine aýdaryp, tańǵaldyra alady dep oılaısyz?
- Biz kóshbasshylar týraly aıttyq. Endi tosynnan jarq etýi múmkin sportshylarǵa kelsek, 70 kelide Nurqoja Qaıpanovtyń aıy ońynan týýy múmkin. Balýan endi ǵana 20-dan asty. Osy jyly ol Qazaqstan chempıonatyn jeńip alyp, el tarıxynda eń jas Azııa chempıony retinde qaldy. Onyń kúres stılinde qazaq kúres mektebi anyq kórinedi. Ár mekteptiń óz kóshbasshysy bar, mysaly, amerıkalyq kúreste - Kaıl Snaıder, reseılikte - Sadýllaev, ırandyqta - Iazdanı Cheratı. Qaıpanov ta aıdy aspannan bir-aq shyǵaryp, bolashaqta qazaq kúres mektebiniń alǵadaıy atanýy ǵajap emes. Qazir ol jáne basqa sportshylar da myqty bapkerler shtabymen, iri jarystarǵa durys daıyndyqpen barýǵa taktıka qura alatyn Maırbek Iýsýpovpen jumys isteý múmkindigi bar.

Esterińizge sala keteıik, Nur-Sultan qalasyndaǵy grek-rım, erkin jáne áıelder kúresinen álem chempıonaty qyrkúıektiń 14-22 aralyǵynda ótedi.

 

"Adyrna" ulttyq portaly

Pikirler