Búgin, shilde aıynyń 27-si kúni saǵat 10.00-de Shyǵys Qazaqstandaǵy 19 qala men aýdanda bir mezette #Birge #TazaQazaqstan atty ekologııalyq akııa bastaý aldy.
Oǵan aımaqtaǵy 33 myńnan astam turǵyn jınalyp, demalys oryndarynyń aýmaǵyn qoqystan tazartýǵa qatysty. Sóıtip, birneshe saǵattyń ishinde 800 tonnadan nemese 3206 tekshe metrden astam qoqys jınalyp, araldar men saıabaqtar, ózen jaǵalaýlary, qazanshuńqyrlar (kotlovan), sondaı-aq Polkovnıchıı men Komsomol araldary, Úlbi jaǵalaýy qalpyna keltirildi.
- Biz bul akııaǵa qatysqanymyzǵa qýanyshtymyz. Shyǵys Qazaqstan árdaıym ásem tabıǵatymen kóz tartady. Sol sebepten biz óńirimizdiń odan saıyn qulpyryp, gúldenýine úles qosýymyz kerek. Biz mańaıdy jınap júrgen kezde ekologııamyzǵa zııan keltiretin plastık ydystardy kóptep jınadyq. Sondyqtan bárimiz tabıǵatty aıalap, árkim óz sońynan qoqysty jınap júrse eken degen tilegimiz bar, - deıdi Óskemen qalasynyń turǵyny Malıka Elıýbaeva.
Akııaǵa qatysýshylarǵa Shyǵys Qazaqstan oblysy ákiminiń birinshi orynbasary Erlan Aımuqashev alǵysyn bildirdi.
- Qorshaǵan ortany qorǵaýdy árqaısymyz ózimizden bastaýymyz kerek. Bul bizdiń keler urpaq aldyndaǵy paryzymyz. Atalmysh akııany dástúrge aınaldyrý úshin biz jastarǵa úlgi kórsetýimiz kerek, - dedi ol.
"Adyrna" ulttyq portaly
