Qazaqstandyqtar talgoda qyz zorlaǵandardyń úkimine qarsy

2318
Adyrna.kz Telegram

Almatyda turatyn mýzykant jáne bloger Aleksandr oı jelidegi paraqshasynda "Tulpar-Talgo" jolaýshysyn zorlaǵan jolserikterge qatysty shyǵarylǵan úkimge narazylyǵyn bildirdi. Ol qylmyskerlerge meılinshe kóp ýaqyt berýdi talap etken. Alaıda, zorlyqshylardy úsh jylǵa jeter-jetpes ýaqytqa ǵana sottap, biz zardap shegýshi áıelge ádiletsizdik jasadyq deıdi Aleksandr oı.

"Toptyq zorlaý - qazirgi qoǵamnyń eń jıirkenishti qylmystarynyń biri. Zorlaıtyn adamdardy, ásirese toppen zorlaıtyndardy erkindikte de, qamaýda da eshkim syılamaıdy. Tek Qazaqstannyń sot júıesinde ǵana olarǵa syılastyq tanytady. Óıtkeni zorlyqshylardyń birin 2,5 jylǵa, endi birin 2,3 jylǵa ǵana qamaýǵa aldy. Eger zardap shekken áıel zorlaǵan adamdardyń bir jerin jaraqattap alatyn bolsa, ony kóp jylǵa sottar edi", - deıdi Aleksandr oı.

Zorlaý isi toptyqqa jatqyzylmaǵan. Óıtkeni zardap shegýshini Qurmanııazov pen Úmbetálıev bir ýaqytta emes, kezekpen zorlaǵan. Sonymen qatar, elimizde zorlaý isi aýyr qylmys bolyp eseptelmegendikten, osyndaı sheshim qabyldandy. Bul týraly bloger ashyna jazyp, adamnyń quny maldan da tómen bolyp ketken dep túsindirdi.

"Adam zorlaýdy aýyr qylmysqa jatqyzbaý, Qazaqstannyń halyqaralyq uıymnyń aldynda alǵan mindetterin buzý bolyp esepteledi. Halyqaralyq standarttar negizinde zorlyq isi boıynsha túrmege qamalýy shart. Bizdiń elimizde qoı urlaý aýyr qylmys bolyp esepteledi. Eger siz bireýdiń esiginiń aldynan sıyryn urlap ketseńiz, mal úshin budan 3 ese artyq beredi", - dep jazdy bloger.

Esterińizge sala keteıik, osy ýaqytqa deıin jolaýshyny zorlaǵan "Talgo" jolserikterine baılanysty sot úkimi shyqqany týraly jazǵan bolatynbyz

 

"Adyrna" ulttyq portaly

Pikirler