Memleket basshysy Q.K.Toqaevtyń III Ulttyq Quryltaıda berilgen tarıhı sana qalyptastyrý baǵytyndaǵy tapsyrmalary aıasynda Batys Qazaqstan oblysynda «Túrki álemi: rýhanı-mádenı yntymaqtastyqtyń jańa kezeńi» atty halyqaralyq ǵylymı-teorııalyq konferenııa ótti.
Konferenııanyń negizgi maqsaty – túbi túrki halyqtardyń arasynda rýhanı-mádenı yntymaqtastyqtyń jańa kezeńi aıasynda ıntegraııalyq proessterdi kúsheıtý, ekonomıkalyq baılanys ornatý, álemdik órkenıettiń damýyna túrki áleminiń óz úlesin qosý.
Is-shara barysynda Batys Qazaqstan oblysy ákiminiń orynbasary B.Narymbetov alǵy sózinde shet elderden kelgen qonaqtarǵa jyly lebizin jetkizip, konferenııanyń taqyrybynyń mańyzdylyǵyn kelesi oımen bildirdi: - «Memleket basshysy Qasym - Jomart Kemeluly Toqaev túrki álemin HHI ǵasyrdyń asa mańyzdy ekonomıkalyq, mádenı jáne gýmanıtarlyq óńirleriniń birine aınaldyrýdy kózdeıtinimizdi 2023 jyly Astana qalasynda ótken Túrki Memleketeriniń Uıymynyń X Sammıtinde atap ótip, «túrki álemi» - degen uǵymdy brendke aınaldyrýdy tapsyrǵany barshamyzǵa málim. Túrli elder men óńirlerdi meken etken 175 mıllıon túrkiniń taǵdyry myqty mádenı biregeıliginiń arqasynda tarıh tolqynynda adaspaı, jahandaný zamanynda alǵa qadam basýǵa múmkindik aldy. TÚRIKPA, TÚRKSOI, Túrki akademııasy men Halyqaralyq túrki mádenıeti men murasy qorynyń qajyrly eńbegi Túrki keńesin bedeldi uıymǵa, «túrki álemi» uǵymyn kópshilik moıyndaǵan halyqaralyq dıskýrsqa aınalsa, qazyrǵy tanda túrki álemi rýhanı-mádenı yntymaqtastyǵynyń jańa kezeńi bastaldy desek bolady».
Is-sharaǵa Almaty qalasynan fılologııa ǵylymdarynyń doktory, professor, Halyqaralyq «Qazaq tili» akademııasy men Halyqaralyq túrkitaný ortalyǵynyń Prezıdenti Erden Qajybek, Qyrǵyz Respýblıkasy Ulttyq Ǵylym akademııasynyń Dástúrli mádenıet ortalyǵynyń meńgerýshisi, pofessor Qadyráli Qonqabaev, Ózbekstan Respýblıkasynyń Qaraqalpaqstannyń aýyl sharýashylyǵy jáne agrotehnologııa ınstıtýtynyń gýmanıtarlyq pánder kafedrasynyń doenti, tarıh ǵylymdarynyń kandıdaty Bahadyr Bekimbetov, Bashqurtstan Respýblıkasynyń Ǵylym akademııasynyń bas ǵylymı qyzmetkeri, professor, fılologııa ǵylymdarynyń doktory Lýıza Samsıtova, Atyraý qalasynan Halel Dosmuhamedov atyndaǵy Atyraý ýnıversıteti, «Hısmet Bozanuly Tabyldıev atyndaǵy Kaspıı óńiriniń tarıhy, arheologııasy jáne etnologııasy» ǵylymı-zertteý ınstıtýty, «Jazbasha jáne arheologııalyq eskertkishterdi zerdeleý» ǵylymı-zertteý ortalyǵynyń jetekshisi Saıpolla Mollaqanaǵatuly jáne t.b. qatysty.
Konferenııanyń plenarlyq otyrysy barysynda keleli oılar men túrki mádenıetine qatysty jańa zertteýler nátıjeleri baıandalyp, «.....túrkiler meken qylǵan bir qııany men bir qııany ushqan qustyń qanatyn taldyratyn Uly Dala-Eýrazııa 4 mıllıon sharshy shaqyrymnan astam aýmaqtan asady, túrkitildes halyqtardyń qaı-qaısysynyń da geosaıasatta bolsyn, álemdik ekonomıkada bolsyn, ózindik orny bar, geografııalyq ornalasýlary jaǵynan Batys pen Shyǵysty, Ońtústik pen Soltústikti jalǵastyrar tranzıttik mańyzǵa ıe, osyndaı artyqshylyqtar túrki áleminiń halyqaralyq arenadaǵy ornynyń basymdyqqa ıe ekenine aıǵaq» - degen oılar aıtyldy.
