Nurlan AMANQOSOV: Basty maqsat - Tokıo Olımpıadasyna lıenzııa alý

228

Qazaqstannyń astanasynda ótetin álem chempıonatyna kúresten áıelder quramasy daıyndyǵyn pysyqtap jatyr. Komandanyń jospary men daıyndyq barysy belgili boldy. Bul jaıly bas bapker Nurlan Amanqosov aıtyp berdi.
- Biz qazir Nur-Sultan qalasynda oqý-jattyǵý jıynyndamyz. Ózderińiz biletindeı, byltyr elordada áıelder kúresi Akademııasy ashylǵan bolatyn. Aı sońyna deıin osy jerde jattyǵamyz. Sodan keıin Polshada ótetin "Valav ıalkovskıı memorıalyna" jol tartamyz. Varshavadan oralǵannan keıin bizdi eki jıyn kútip tur. Onyń alǵashqysyn 10-25 tamyz aralyǵynda Sochıde Reseı quramasymen birge ótkizemiz. Al ekinshi jıynda erkin kúres Akademııasynda jattyǵyp, álem chempıonatyna tyńǵylyqty daıyndalamyz.
- Qazir tolyq quramdy aıta alasyz ba? Álem chempıonatyna qoıylǵan maqsat qandaı?
- Quram 80% anyqtaldy deýge bolady. Árıne, birneshe salmaq dárejesinde el namysyn qorǵaıtyn balýandardy áli tańdaı almadyq. Polshadaǵy týrnırden keıin, tamyzdyń basynda álem birinshiligine baratyn sportshylardyń esimi anyqtalady dep oılaımyn. Maqsatqa keler bolsaq, álem chempıonatyna qatysy bar resmı qyzmetkerlerdiń, bapkerler shtabyna, qyzdarǵa artylǵan jaýapkershiliktiń qandaı ekenin bilesizder. Fızıkalyq, fýnkıonaldyq daıyndyqtan bólek, óz otanymyzdaǵy aıtýly dodada jaqsy kúresý úshin psıxologııalyq ázir bolýymyz qajet. Ýaqyttan ozyp, eshteńe aıta almaımyn. Biraq, medal úshin kúresetinimiz anyq. Eń basty maqsat - Tokıo Olımpıadasyna lıenzııa alý. Osy jyldyń eń basty jarystaryna daıyndalý úshin barlyq jaǵynan qoldaý bildirgen Qazaqstan grek-rım, erkin jáne áıelder kúresi Federaııasyna alǵysymdy bildiremin.
Aıta ketý kerek, erkin kúresten Qazaqstan ulttyq quramasy da belsendi jattyǵý ústinde. Eske sala keteıik, Nur-Sultan qalasyndaǵy grek-rım, erkin jáne áıelder kúresinen álem chempıonaty 14-22 qyrkúıek aralyǵynda ótedi.

"Adyrna" ulttyq portaly

Pikirler