Sársenbi kúni Qazaqstannyń basym bóliginde qatty aptap ystyq kútiledi, al qalǵan aımaqtarda jaýyn-shashyn bolady, dep habarlaıdy “Adyrna” ulttyq portaly «Qazgıdromet» RMK baspasóz qyzmetine siltep.
«Qazaqstan aýmaǵy arqyly ótetin soltústik-batys ıklony jáne onymen baılanysty atmosferalyq frontaldy ýchaskelerde kún kúrkirep, jańbyr jaýady, respýblıkanyń batysynda qatty jańbyr jaýady. Tek respýblıkanyń shyǵysynda, ońtústiginde jáne ońtústik-shyǵysynda jaýyn-shashynsyz aýa-raıy kútiledi. Respýblıka boıynsha jeldiń kúsheıýi, batysynda, soltústik-batysynda jáne soltústiginde burshaq jaýýy múmkin», - delingen habarlamada.
Kúndiz Abaı, Jetisý, Ulytaý oblystarynda, Almaty, Pavlodar, Qaraǵandy, Jambyl, Shyǵys Qazaqstan, Qyzylorda oblystarynda, Mańǵystaýdyń ońtústiginde, batysynda, Túrkistan oblysynyń shóldi aımaqtarynda qatty ystyq kútiledi.
«Aqtóbede, Ulytaý oblysynyń soltústiginde, shyǵysynda, batysta, Abaı jáne Qostanaı oblystarynyń soltústiginde, batysynda, Qaraǵandynyń ortalyǵynda, Aqmolanyń batysynda, Shyǵys Qazaqstannyń ońtústiginde, Mańǵystaýdyń batysynda, soltústik-shyǵysynda, Jetisý oblysynda, Pavlodar qalasynyń ortalyǵynda, Atyraý oblysynyń batysynda joǵary órt qaýpi kútiledi. Túrkistan, Jambyl, Qyzylorda, Almaty oblystarynda, Ulytaý oblysynda, soltústiginde, ońtústik-shyǵysynda, Mańǵystaý ortalyǵynda, batysta, Aqtóbeniń ońtústiginde, Batys Qazaqstannyń ońtústiginde, Qostanaı, Qaraǵandy oblystarynda jáne Abaı oblysynda, soltústikte, shyǵysta «Jetisý óńirinde óte joǵary órt qaýpi bar», - dep habarlady «Qazgıdromet» RMK.
Astanada kóshpeli bult shyǵady, jaýyn-shashynsyz. Ońtústik-batystan soǵatyn jel ońtústik-shyǵysqa aýysady 7-12 m/s. Aýa temperatýrasy túnde +14+16, kúndiz +30+32.
Almatyda kóshpeli bult shyǵady, jaýyn-shashynsyz. Jel 0-5 m/s. Aýa temperatýrasy túnde +20+22, kúndiz +33+35.
Shymkentte kóshpeli bult shyǵady, jaýyn-shashynsyz. Ońtústik-shyǵystan 8-13 m/s jel soǵady. Aýa temperatýrasy túnde +20+22, kúndiz +35+37.
Aqmola oblysynda kúndiz +27+32 (soltústikte +24), túnde +13+18.
Ulytaý oblysynda kúndiz +30+35, túnde +14+19.
Qaraǵandy oblysynda kúndiz +30+35 (ońtústikte +38), túnde +13+18 (ońtústikte +23).
Soltústik Qazaqstan oblysynda kúndiz +19+24 (shyǵysta +27), túnde +12+17.
Qostanaı oblysynda kúndiz +20+25 (ońtústikte +30), túnde +10+15 (ońtústikte +18).
Aqtóbe oblysynda kúndiz +22+27 (ońtústik-shyǵysta +32), túnde +10+15 (ońtústikte +18).
Abaı oblysynda kúndiz +32+37, túnde +18+23 (batysta +15).
Shyǵys Qazaqstan oblysynda kúndiz +32+37 (shyǵysta +27), túnde +18+23 (shyǵysta +13).
Pavlodar oblysynda kúndiz +30+35, túnde +15+20.
Almaty oblysynda kúndiz +32+37 (taýly aımaqtarda +22+27), túnde +20+25 (taýly aımaqtarda +10+15).
Jetisý oblysynda kúndiz +33+38 (taýly aımaqtarda +29), túnde +16+21 (shyǵysta +25, taýly aımaqtarda +13).
Túrkistan oblysynda kúndiz +32+37 (batysta, shóleıtti aımaqtarda +40), túnde +19+24 (taýly aımaqtarda +15).
Batys Qazaqstan oblysynda kúndiz +19+24 (ońtústikte +27), túnde +11+16.
Atyraý oblysynda kúndiz +23+28, túnde +17+22.
Mańǵystaý oblysynda kúndiz +28+33 (batysta +25), túnde +18+23.
Qyzylordada kúndiz +35+40, túnde +18+23.
Jambyl oblysynda kúndiz +35+40 (taýly aımaqtarda +30), túnde +19+24 (taýly aımaqtarda +15).
«Aldaǵy táýlikte jańbyr boljamyna baılanysty respýblıkanyń ońtústigi men ońtústik-shyǵysyndaǵy taýly ózenderde sý quramynyń aýytqýy baıqalady», - dep eskertti sınoptıkter.
