Basqarma basshysy Ánýar Janǵozınniń aıtýynsha, bıyl bir mektep formasyna shamamen 30 myń teńge ketedi.
"Biz jergilikti taýar óndirýshilerdiń usynystaryn zerdelep shyqtyq. Negizi, sapaly forma ǵana emes, aıaq kıim tigetin fırmalar da bar. Bir mektep formasyn, shamamen, 20 myń teńgege alýǵa bolady. Oǵan qosa, aıaq kıim alsa, taǵy on myńdaı ketedi. Osylaısha, bir balany mektepke daıyndaý úshin 30 myń teńge qajet bolady", - dedi Janǵozın baspasóz máslıhatynda.
Onyń aıtýynsha, mektep formasyna kóılek, jılet pen shalbar kiredi. Taǵy bir jyly kıim de alýǵa bolady. Al qyzdar úshin – sarafan men jeńil jeıde nemese jılet, beldemshe jáne shalbar kerek. Jańa oqý jylynda mektep formasyna qatysty talap ózgermeıdi. Formanyń túsi qara-kók bolyp qala beredi. Al ata-analar taýar óndirýshini ózderi tańdaı alady.
Al mektepte hıdjabqa ruqsat etilmegen. Al, qalǵan jerlerde hıdjab - ár adamnyń óz erkindegi sharýa. Sonymen qatar, mektepterde Bilim jáne ǵylym mınıstrligimen birge atqaryp otyrǵan jumysymyzdyń barlyǵy jarǵy arqyly júzege asady. Sondyqtan da, «Bilim týraly» zań men arnaıy jarǵyda kórsetilgenindeı «Mektepte dinı atrıbýttar qoldanylmaıdy» degen qaǵıda bar.
"Ata-analar formany qaı jerde alsa da, óz erki. Bazardan ba, dúkennen be, atelege tapsyrys bere me, ony ózderi biledi. Eń bastysy, túsi qara-kók bolýy qajet. Al mektepte formany naqty bireýden alýǵa mindettese, bilim basqarmasyna habar berýidi suraımyz", - dedi Janǵozın.
"Adyrna" ulttyq portaly
