Aqmola oblysynyń barlyq deńgeıdegi ákimderiniń forýmynda sanıtarııalyq tazalaý jáne abattandyrý máseleleri kóterildi.
«Oblystyń kóptegen aýyldyq eldi mekenderinde syrtqy kelbeti, abattandyrý deńgeıi jáne ómir súrý jaǵdaılary boıynsha kóptegen túıtkil máseleler bar», - dep atap ótti Marat Ahmetjanov.
Mysal retinde óńir basshysy qoqysqa «batyp ketken» Ereımentaý qalasyn keltirdi.
Turǵyndardyń birneshe shaǵymdary men oblys ákiminiń jeke aralasýynan keıin ǵana másele sheshildi. Mundaı problemalar barlyq jerde kezdesedi.
«Memleket basshysy bul máseleniń mańyzdylyǵyn «Adal adam – Adal eńbek – Adal tabys» ulttyq quryltaıynda atap ótken kezde: «Abattandyrý jáne sanıtarııalyq tazalaý máselelerinde kóptegen problemalar bar. Qoldanylǵan sharalarǵa qaramastan, jyl saıyn eldi mekenderde jańa ruqsat etilmegen polıgondar oryn alýda. Ákimder quqyq buzýshylardy ákimshilik jazalarǵa (aıyppuldarǵa) tartýy kerek, ol úshin sizderde zań deńgeıinde ókilettik bar», - dedi M.Ahmetjanov.
