Búgin tań atqannan beri Semeı qalasynda Jákishevtiń soty boldy. "Jákishevtiń soty bolady" degen habardy estigen boıda halyqtyń boıynda jylt etken úmit paıda boldy. "Bosata ma, bosatpaı ma" degen boljammen buqaranyń esi shyqty. Aqyry sot Jákishevti bosatpaýǵa sheshim shyǵardy. Buǵan sot zalyndaǵylar túgelimen narazylyq bildirip, aıqaıǵa basty. Jákishevtiń jaqtastary sottyń nege bosatpaı qoıǵanyń surap, talap etti. Aqyry sýdıa Ermek Shymyrov jýrnalısterdiń ǵana suraqtaryna jaýap berdi. Sottyń málimdeýinshe, onyń 3-toptaǵy múgedek ekenine qaramastan Muhtar Jákishevti bosatýǵa múldem negiz joq. Sebebi, Muhtar Jákishev 6 kompanııaǵa mıllıardtaǵan shyǵyn keltiripti.
Qapshaǵaı qalalyq sotynyń 2014 jylǵy 15 mamyrdaǵy oryndaý qaǵazdaryna sáıkes, Jákishevten zardap shekkenderdiń atyna 99 mıllıard teńgeden astam shyǵyn óndirilgen. Bul shyǵyn qylmys kezinde jasaldy. Dál osy aqshany tolyǵymen óteý týraly qujattar sotqa usynylǵan joq. Al qorǵaýshynyń "Jákishev Qapshaǵaı sotynyń sheshimimen tek 2018 jyly ǵana tanysty" degen ýájin negizsiz dep sanaımyz. Sottyń sheshimi zańdy kúshine endi jáne oryndaýǵa jiberildi", - dedi Shymyrov.
Alaıda "kompanııa basshylary nege sol kezde jazaǵa tartylmady?" degen jýrnalısterdiń suraǵyna, sýdıa jaýap bere almaıtynyń aıtyp ótti. Al Muhtar Taıjan "Sot sheshimine qarsymyz. Apelıııaǵa mindetti túrde beremiz" dep málimdeýde.
Osylaısha Jákishevtiń kinásiz ekendigin dáleldeıtin 4 birdeı ekspertızany nazarǵa almaı, densaýlyǵynyń nasharlyǵyn kózge ilmeı otyrǵan bılikke de, sotqa da halyqtyń ókpesi qara qazandaı.
Esterińizge sala keteıik, Muhtar Jákishev 2009 jyldyń mamyr aıynda ózi basqaratyn «Qazatomprom» kompanııasynyń Astanadaǵy keńsesinde tutqyndaldy. Arada úsh kún ótkende «memleket múlkin jeke maqsatyna paıdalanyp, Qazaqstannyń iri ýran ken oryndarynan offshordaǵy fırmalardyń múddesi úshin «dolıa» aldy» degen aıyp boıynsha qamaýǵa alyndy.
"Adyrna" ulttyq portaly
