Ǵylym jáne joǵary oqý mınıstri Saıasat Nurbek ýnıversıtet rektory eki merzimnen artyq basshy bola almaıtynyn aıtty, dep habarlaıdy Adyrna.kz ulttyq portaly.
Ortalyq kommýnıkaııalar qyzmetinde ótken baspasóz máslıhatynda mınıstrge «Naýryz aıynda siz rektorlardy eki retten artyq taǵaıyndamaýǵa baılanysty komıssııa otyrysy ótedi dep edińiz. Ózińiz aıtqan komıssııa otyrysy qandaı sheshimge keldi? Bir adam tapjylmaı 13 jyl rektor bola bere me, joq álde komıssııa otyrysy qandaıda bir jańalyq engizdi me?» dep suraq qoıdy.
«Komıssııa otyrysy bolyp, tıisti ózgerister engizildi. Osy jyldyń sáýir aıynan bastap rektorlyqqa ótinish bergen talapkerler 2 merzimnen kóp otyra almaıdy. Sebebi tıisti zańnamalyq ózgeristerdi engizdik. Bir merzim úsh jyldan bolsa, rektor 6 jyldan artyq basshy bola almaıdy.
Sondaı-aq rektor bolǵysy keletin talapkerlerge talaptar kúsheıtildi. Endi rektorlyqqa keminde akademııalyq salada 10 jyl tájirıbesi bar, onyń ishinde 5 jyl basqarýshy-akademııalyq laýazymdarda ǵylymı dárejesi bar adamdar ótinish bere alady jáne aǵylshyn tilin bilý talabyn engizdik. Sonymen qatar BAQ-ta, áleýmettik jelide moraldyq, repýtaııalyq turǵydan jaǵymsyz pikir qalyptasqan adam rektor bola almaıdy. Bul talaptardy komıssııanyń sheshimimen bekittik, endi rektorlyqqa talapkerlerge talap kúsheıtildi», – dedi ol.
Sondaı-aq jýrnalıst «Bul talap rektorlyq qyzmette 5 nemese 10 jyldan astam ýaqyt otyrǵan azamattarǵa qatysy bar ma?» dep suraq qoıdy.
«Qazaqstanda negizgi zańnamalyq prınıp bar. Jańadan qabyldanǵan zańnyń burynǵy qabyldanǵan sheshimderge kúshi joq. Sol sebepti zańnamalyq ózgeristerge deıin taǵaıyndalǵan rektorlardyń kontraktileri bitkende ǵana qazirgi zańdyq kúshimen jalǵastyrady», – dedi ol
Esterińizde bolsa, buǵan deıin Adyrna.kz ulttyq portalynda «Mınıstr rektorlardyń “AQSh prezıdenti sekildi” shekteletinin aıtty» degen taqyrypta aqparat shyqty. Atalǵan materıalda Erlan Sydyqovtyń Eýrazııa ýnıversıtetin 13 jyldan beri basqaryp kele jatqany sóz bolǵan. Demek Saıasat Nurbek engizgen ózgeristiń Erlan Báttashulyna qatysy joq.
