Ǧylym jäne joǧary oqu ministrı Saiasat Nūrbek universitet rektory ekı merzımnen artyq basşy bola almaitynyn aitty, dep habarlaidy Adyrna.kz ūlttyq portaly.
Ortalyq kommunikasiialar qyzmetınde ötken baspasöz mäslihatynda ministrge «Nauryz aiynda sız rektorlardy ekı retten artyq taǧaiyndamauǧa bailanysty komissiia otyrysy ötedı dep edıŋız. Özıŋız aitqan komissiia otyrysy qandai şeşımge keldı? Bır adam tapjylmai 13 jyl rektor bola bere me, joq älde komissiia otyrysy qandaida bır jaŋalyq engızdı me?» dep sūraq qoidy.
«Komissiia otyrysy bolyp, tiıstı özgerıster engızıldı. Osy jyldyŋ säuır aiynan bastap rektorlyqqa ötınış bergen talapkerler 2 merzımnen köp otyra almaidy. Sebebı tiıstı zaŋnamalyq özgerısterdı engızdık. Bır merzım üş jyldan bolsa, rektor 6 jyldan artyq basşy bola almaidy.
Sondai-aq rektor bolǧysy keletın talapkerlerge talaptar küşeitıldı. Endı rektorlyqqa kemınde akademiialyq salada 10 jyl täjıribesı bar, onyŋ ışınde 5 jyl basqaruşy-akademiialyq lauazymdarda ǧylymi därejesı bar adamdar ötınış bere alady jäne aǧylşyn tılın bılu talabyn engızdık. Sonymen qatar BAQ-ta, äleumettık jelıde moraldyq, reputasiialyq tūrǧydan jaǧymsyz pıkır qalyptasqan adam rektor bola almaidy. Būl talaptardy komissiianyŋ şeşımımen bekıttık, endı rektorlyqqa talapkerlerge talap küşeitıldı», – dedı ol.
Sondai-aq jurnalist «Būl talap rektorlyq qyzmette 5 nemese 10 jyldan astam uaqyt otyrǧan azamattarǧa qatysy bar ma?» dep sūraq qoidy.
«Qazaqstanda negızgı zaŋnamalyq prinsip bar. Jaŋadan qabyldanǧan zaŋnyŋ būrynǧy qabyldanǧan şeşımderge küşı joq. Sol sebeptı zaŋnamalyq özgerısterge deiın taǧaiyndalǧan rektorlardyŋ kontraktılerı bıtkende ǧana qazırgı zaŋdyq küşımen jalǧastyrady», – dedı ol
Esterıŋızde bolsa, būǧan deiın Adyrna.kz ūlttyq portalynda «Ministr rektorlardyŋ “AQŞ prezidentı sekıldı” şekteletının aitty» degen taqyrypta aqparat şyqty. Atalǧan materialda Erlan Sydyqovtyŋ Euraziia universitetın 13 jyldan berı basqaryp kele jatqany söz bolǧan. Demek Saiasat Nūrbek engızgen özgerıstıŋ Erlan Bättaşūlyna qatysy joq.
Ūqsas jaŋalyqtar
