Koreıa Respýblıkasy halyq sanynyń azaıýyna baılanysty elde tótenshe jaǵdaı jarııalady. Bul týraly prezıdent Iýn Sok Iol aıtty, dep habarlaıdy «Adyrna» tilshisi «TASS»-qa silteme jasap.
«Men resmı túrde ulttyq tótenshe jaǵdaı jarııalaımyn. Biz týý deńgeıiniń tómendigi máselesi sheshilgenshe jalpyulttyq keshendi áreket etý júıesin qoldanamyz», - dedi basshy.
Prezıdent «tendenııa ózgermese, respýblıka halqy joıylyp ketýi múmkin» degen málimdeme jasady.
Yonhap basylymynyń málimetinshe, sońǵy onjyldyqta el bıligi týý deńgeıin arttyrý úshin túrli yntalandyrý sharalaryn qoldandy. Alaıda turǵyn úıdiń joǵary baǵasy, bilim berý shyǵyndary jáne uzaq jumys ýaqyty sııaqty faktorlar azamattardyń otbasyn qurýǵa degen yntasyn tómendetip otyr.
Prezıdent saıasattyń úsh basymdyǵyn atady: ıkemdi jumys ýaqytyn engizý, bala kútimin qoldaý júıesin jetildirý jáne qoljetimdi baspanamen qamtamasyz etý. Atap aıtqanda, bılik 2027 jylǵa qaraı bul quqyqty paıdalanatyn ata-analardyń úlesin qazirgi 7%-dan 50%-ǵa deıin ulǵaıtý maqsatymen dekrettik demalys erejelerin jumsartyp, ony ákelerge uzartýdy josparlap otyr.
Jumys berýshilerge dekrettik demalystaǵy qyzmetkerlerdi aýystyrý úshin ýaqytsha jumysshylardy jaldaýǵa sýbsıdııalar beriledi. Balaly otbasylar jeńildetilgen ıpotekalyq sharttar men keńeıtilgen salyq jeńildikterine ıe bolmaq.
Sonymen qatar «Demografııalyq strategııany josparlaý mınıstrligi» qurylmaq. Ol demografııalyq problemalardy, sonyń ishinde týý deńgeıiniń tómendigin, qartaıý men kóshi-qon saıasatyn jeńý strategııalaryn ázirleıdi.
Aıta keteıik, Ońtústik Koreıanyń týý kórsetkishi 2023 jyly kúrt tómendeýin jalǵastyrǵan edi. Koreıadaǵy statıstıka basqarmasynyń málimeti boıynsha, ońtústik koreıalyq áıeldiń reprodýktıvti ómirinde dúnıege kelgen balalarynyń ortasha sany 2022 jylǵy 0,78-den 0,72-ge deıin rekordtyq tómengi deńgeıge deıin tómendedi. Bul popýlıaııanyń turaqty sany úshin qajetti bir áıelge shaqqanda 2,1-den áldeqaıda tómen.
2024 jyldyń basynda jarııalanǵan derekterge súıensek, Ońtústik Koreıada 52 246 747 adam bar.
