2009 jyly Muhtardyń tóbesine qara bult úıirildi. Qamaldy. Aıyp taǵyldy. «Urlaǵan, jegen, para bergen…» dedi. 14 jylǵa sottalyp kete bardy ol. Arada 10 jyl ótti. Muhtar Jákishevtiń densaýlyǵynyń nasharlaýyna baılanysty jáne zań jaǵynan negiz joq degen ustanymmen merziminen erte bosatýyn surady dep habarlaıdy "Adyrna" ulttyq portalynyń tilshisi.
Sonymen búgin Alashtyń rýhanı astanasynda «Qazatomprom» Ulttyq kompanııasynyń eks-prezıdenti Muhtar Jákishevtiń sot isi jalǵasýda. Sot Semeı qalasyndaǵy № 2 qalalyq sotta ótýde. Ázirge Muhtar Jákishevti 2009 jyldan beri qorǵap kele jatqan advokat Nurlan Beısekeev aıyptalýshy bostandyqqa shyǵý úshin, sýdıaǵa bultartpas dálelder keltirý arqyly qaıtse de Muhtardy qapastan sýryryp alýǵa árekettenip-aq baqty. Kolonııa basshylyǵy men medıınalyq qyzmetkerler Muhtardyń densaýlyǵyna baılanysty sýdıadan bosatylýyn ótindi. Iaǵnı kolonııa basshylyǵy da, dárigerler de Muhtardyń túrmede otyra berýi zııan ekenin málimdeýde. Al endi sotqa qatysyp otyrǵan prokýror Muhtar Jákishevtiń kinásin moıyndamaýyna baılanysty Jákishevti bostandyqqa shyǵarýǵa qarsy bolyp otyr. Sondaı-aq Muhtar Jákishevke Astana, Almaty, Qaraǵandy, Pavlodar qalasynan qoldaý bildirýge kelgen belsendiler "Muhtarǵa bostandyq" dep sot ǵımaratynyń aldynda qoldaý sharalaryn ótkizip jatyr. Ókinishke qaraı, advokattardyń jáne ózge de taraptardyń keltirgen dálelderine qaramastan sýdıa Ermek Shymyrov Muhtar Jákishevti bosatpaýǵa sheshim shyǵardy. Iaǵnı ary qaraı tolyq jaza merzimin ótegenshe abaqtyda bola bermek. Al Muhtar Jákishevke qoldaý bildirip kelgen belsendiler "Qashan el bolamyz?", "Muhtardy óltirip bitiresińder!" dep narazylyqtaryn bildirip, sot zalyn bosatpaı jatyr.
Esterińizge sala keteıik, Muhtar Jákishev 2009 jyldyń mamyr aıynda ózi basqaratyn «Qazatomprom» kompanııasynyń Astanadaǵy keńsesinde tutqyndaldy. Arada úsh kún ótkende «memleket múlkin jeke maqsatyna paıdalanyp, Qazaqstannyń iri ýran ken oryndarynan offshordaǵy fırmalardyń múddesi úshin «dolıa» aldy» degen aıyp boıynsha qamaýǵa alyndy.
"Adyrna" ulttyq portaly
