Búgin Semeıde tańnan bastap sot otyrysy júrip jatyr. Jákishevtiń bosatylýyn talap etken halyq pen jaqtastary óre túregeldi. Sot zalyna 50 den astam adam jınaldy dep habarlaıdy "Adyrna" ulttyq portalynyń tilshisi.
Muhtar Taıjan "Jákishevtiń tutqyndalýyna bılik pen syrtqy kúshter kináli" dese, buqara elimizde saıası tutqyndar bolmaýy kerek ekenin bir aýyzdan aıtýda.
Sonymen sot qalaı ótti?!
Jákishevtiń sot otyrysynda alǵashqy sózdi advokat alyp, aıyptalýshynyń kinásiz ekendigine túrli dálelder keltirdi. 10 jyldan beri túrmeden kóz ashpaǵan Muhtar Jákishevtiń sońǵy kezderi dertke shaldyqqanyn da aıtty. Tipten anasy qaıtys bolǵanda, topyraǵyn salýǵa da barmaǵanyn jetkizdi. Al Jákishevtiń dárigeri aıyptalýshynyń aýyryp júrgendigin dáleldeıtin ekspertızalardy keltirdi. Túrmede budan ary jatýǵa densaýlyǵy shydamaıdy eken. Qysqasy, Muhtar Jákishev otyrǵan kolonııanyń basshylyǵy men dárigerleri bosatylýyn qalap otyr. Jákishevte kinásin moıyndar emes. Alaıda prokýror Jákishev kinásin moıyndamaǵyny úshin bosatylýyna qarsylyq bildirdi. Endi sońǵy sóz sotta!
Muhtar Jákishevti bosatýǵa baılanysty sot sheshimi 17:00-de shyǵady!
"Adyrna" ulttyq portaly
