“Bärı bar”. Hanzada Jumong - Son İl Guk Qazaqstan jaily sūhbat berdı

Qazaqstandyqtarǧa “Hanzada Jumong” serialymen tanylǧan korei akterı Son İl Guk Kazinform.kz saityna sūhbat berdı, dep habarlaidy “Adyrna” ūlttyq portaly. Son İl Guk Qazaqstanǧa ekınşı märte saparlaǧanyn aitty: “Osyǧan deiın kelgende de, būl joly da uaqyt öte tapşy boldy. Sondyqtan Qazaqstan turaly köp mälımet ala almadym, öz közımmen köre almadym. Bıraq kelerdıŋ aldynda köp aqparat oqyp, mädenietı men tabiǧaty turaly, turistık oryndary turaly bırtalai ızdendım. Almatynyŋ ırgesındegı Şymbūlaqta şaŋǧy tepkım kelıp edı. Būl joly da uaqyt kestemnıŋ tyǧyzdyǧyna bailanysty oiǧa alǧanymdy ıske asyra almai ketıp bara jatqanym öte ökınıştı” dedı ol. Sonymen qatar korei akterı Qazaqstan tabiǧaty jaily erekşe äserımen bölıstı: “Koreiada adam sany köp bolǧanymen, Qazaqstanǧa qaraǧanda jerı şaǧyn. Bos jer joq deuge bolady. Qaida barsaŋ da ǧimaratqa toly. Sol üşın bızde tarihi filmder tüsıretın oryn tapşy. Al mūnda jer keŋ, säikesınşe, lokasiia köp. Tau kerek pe, orman kerek pe, şöl kerek pe, köl kerek pe – bärı bar. Sony baiqap osyndai tarihi film tüsırse ǧoi degen oiǧa qaldym. Ärine, Qazaqstan rejiserlerınen ūsynys alǧanym jaqsy ǧoi, bıraq koreialyq tüsıru toby Qazaqstan jerıne kelıp, kino tüsırse qalai bolar edı degen oimen ketıp baramyn. Būl – naqty jospar emes. Osy jolǧy saparda sanamda osyndai bır oi jylt ettı” dedı Son İl Guk.