Qazaqstandyqtarǵa “Hanzada Jýmong” serıalymen tanylǵan koreı akteri Son Il Gýk Kazinform.kz saıtyna suhbat berdi, dep habarlaıdy “Adyrna” ulttyq portaly.
Son Il Gýk Qazaqstanǵa ekinshi márte saparlaǵanyn aıtty:
“Osyǵan deıin kelgende de, bul joly da ýaqyt óte tapshy boldy. Sondyqtan Qazaqstan týraly kóp málimet ala almadym, óz kózimmen kóre almadym. Biraq kelerdiń aldynda kóp aqparat oqyp, mádenıeti men tabıǵaty týraly, týrıstik oryndary týraly birtalaı izdendim. Almatynyń irgesindegi Shymbulaqta shańǵy tepkim kelip edi. Bul joly da ýaqyt kestemniń tyǵyzdyǵyna baılanysty oıǵa alǵanymdy iske asyra almaı ketip bara jatqanym óte ókinishti” dedi ol.
Sonymen qatar koreı akteri Qazaqstan tabıǵaty jaıly erekshe áserimen bólisti:
“Koreıada adam sany kóp bolǵanymen, Qazaqstanǵa qaraǵanda jeri shaǵyn. Bos jer joq deýge bolady. Qaıda barsań da ǵımaratqa toly. Sol úshin bizde tarıhı fılmder túsiretin oryn tapshy. Al munda jer keń, sáıkesinshe, lokaııa kóp. Taý kerek pe, orman kerek pe, shól kerek pe, kól kerek pe – bári bar. Sony baıqap osyndaı tarıhı fılm túsirse ǵoı degen oıǵa qaldym. Árıne, Qazaqstan rejıserlerinen usynys alǵanym jaqsy ǵoı, biraq koreıalyq túsirý toby Qazaqstan jerine kelip, kıno túsirse qalaı bolar edi degen oımen ketip baramyn. Bul – naqty jospar emes. Osy jolǵy saparda sanamda osyndaı bir oı jylt etti” dedi Son Il Gýk.
