Almaty qalalyq sotynda Gülmira Satybaldyǧa qatysty basty sot otyrysy jalǧasyp jatyr. Bügın, 13 mausymda jäbırlenuşı käsıpker Abai Jünısovten jauap alu kezınde aiyptaluşy kütpegen jerden öz sūraǧyn qoidy, dep habarlaidy «Adyrna» tılşısı.
«Ol (Jünısov — red.) menı Nazarbaevtyŋ būrynǧy kelını dep barlyq jerde jar salady. Ne sebeptı özınıŋ menıŋ būrynǧy küieu balam ekenın aitpaidy? Menıŋ bastamammen üstınen ıs qozǧalǧanyn aitady. Sonşalyqty küştı, qauqarly bolsam, nege olar jabylyp qaldy?»,—dedı Satybaldy.
Sudia sottaluşyǧa saualyn zaŋ tūrǧysynda tüsındıru kerektıgın aitty. Satybaldynyŋ advokaty jäbırlenuşınıŋ mındetterıne qatysty ıster nege jabylǧany turaly sūraqty qaita tüsındırdı.
«Küieu bala ekenımdı jasyrmaimyn. Sız Qairat Satybaldy syndy kısılerdıŋ yqpalyna süienıp, jalǧyz äreket ettıŋız. Is menıŋ kınäm däleldenbegendıkten toqtatyldy»,—dep jauap berdı Jünısov.
Sudia jäbırlenuşıden VTB bankı aldyndaǧy qaryzǧa qatysty jaǧdaidy tüsındırudı sūrady.
«Qazır Mäskeudegı Meşanskii sotynyŋ şeşımı boiynşa VTB bankı aldyndaǧy boryşkermın. Şottarym būǧattalǧan, jeke sot oryndauşysynyŋ ökılı menen mülıktı öndırıp alu üşın jūmys ıstep jatyr»,— dedı Abai Jünısov.
Onyŋ advokaty Raşid Teŋesbaev Sybailas jemqorlyqqa qarsy qyzmet Satybaldymen bırge ielık etken kompaniia salǧan «Vostochka» tūrǧyn üi keşenınıŋ qūrylysyna qatysty jeke qylmystyq ıstı tergep jatqanyn atap öttı. Būl derek boiynşa Qylmystyq kodekstıŋ 190-baby 4-bölıgınıŋ 2-tarmaǧy boiynşa ıs qozǧalǧan. Aituynşa, zaŋsyz äreketterge «Nurbank», Almaty äkımdıgındegı jäne «Samruk-Kazyna construction» AQ-nyŋ lauazymdy tūlǧalary aralasyp otyr.
Sot Jünısovten 7,8 mlrd teŋge öndıru turaly şeşım qabyldady. Bıraq keşıktıruler men aiyppūldar esebınen soma ekı ese östı.
Eske salaiyq, 3 mausymda Qairat Satybaldynyŋ būrynǧy äielı Gülmira Satybaldynyŋ ısı boiynşa basty sot otyrysy bastaldy. Ol kelesıdei qylmystyq qūqyq būzuşylyqtardy jasaǧany üşın sotqa tartylady:
– 126 bap 3-bölıktıŋ 3-tarmaǧy – abaisyzda jäbırlenuşınıŋ ölımıne nemese özge de auyr zardaptarǧa äkep soqqan adam ūrlau;
– 194 bap 4-bölıgınıŋ 2-tarmaǧy – asa ırı mölşerde bopsalau;
– Qazaqstan Respublikasy Qylmystyq kodeksınıŋ 389 babynyŋ 4-bölıgı - auyr zardaptarǧa äkep soqtyrǧan ozbyrlyq.
