Almatylyq fotograf Atpress.kz aqparattyq portalyn sotqa berıp, 3 million teŋgeden astam somany öndırıp aldy. Būl turaly bügın, 13 mausymda Joǧarǧy sottyŋ baspasöz qyzmetı aitty, dep habarlaidy «Adyrna» tılşısı.
Atyraulyq BAQ özınıŋ internet-resursynda fotograftyŋ tuyndylaryn bırneşe ret paidalanyp, olardyŋ avtoryn körsetpegen.
Jauapker būl fotosuretter maŋyzdy hronikalardy qamtu üşın paidalanylǧanyn aityp, būryn jariialanǧan suretterdıŋ joiylǧanyn mälımdedı. Atpress.kz aqparattyq portaly avtorlyq qūqyqty būzǧany üşın jazbaşa keşırım sūrap, talap qoiudy qanaǧattandyrusyz qaldyrudy sūrady.
Sot suretter maŋyzdy jaŋalyqtardy jariialau üşın ädeiı paidalanylǧanyn eskerıp, parasattylyq pen ädıldık ölşemşarttaryna süiene otyryp, jariialanǧan ärbır suret üşın 100 AEK kölemınde ötemaqy mölşerın belgıledı.
«Sot talap qoiudy ışınara qanaǧattandyrdy: Atyrau-Aqparat» JŞS-den Qazaqstandyq avtorlyq qūqyq» RQŪ paidasyna 3 mln teŋgeden astam (900 AEK) ötemaqy öndırıldı. Şeşım zaŋdy küşıne endı»,—dedı Joǧarǧy sottyŋ baspasöz qyzmetı.
