Qazaq fýtbolynyń ańyz oıynshylarynyń biri Nurbol Jumasqalıev býtsysyn shegege ilse de, qaıtadan fýtbolǵa oraldy. Bapker retinde ózi talaı jyl namysyn qorǵaǵan qostanaılyq "Tobyl" tizginin Jumasqalıevke senip tapsyrdy.
"Nurbol Jumasqalıev bas bapker mindetin atqarýshy bolyp taǵaıyndaldy. Nurbol Járdemuly komandanyń oıynshylarymen jáne Qostanaı fýtbolynyń tarıhymen jaqsy tanys. Klýbtyń ańyz oıynshysy ekeni fýtbolsúıer qaýymǵa belgili. Buǵan deıin Sport dırektory qyzmetinde fýtbol ortalyǵy men qosalqy quramdaǵy jas oıynshylardy daıyndaý úrdisterine jaýap berdi. Ol jergilikti jas fýtbolshylardy negizgi komanda quramyna alýǵa kómektesedi", - dep jazdy Qostanaı klýbynyń resmı saıty.
Esterińizge sala keteıik, Eýropa Lıgasynyń birinshi kezeńinde "Tobyl" Lıýksembýrgtyń "Jeness" komandasynan masqara bolyp ushyp ketken bolatyn. Sonyń nátıjesinde bas bapkeri reseılik Gazzaev otstavkaǵa ketken.
"Adyrna" ulttyq portaly
