Batys Qazaqstanda aýtızmmen aýyratyn jigit tórt kúnnen beri tabylmaı jatyr, dep habarlaıdy "Adyrna" ulttyq portaly.
Joǵalyp ketken 18 jastaǵy BQO turǵyny. Oblystyq PD baspasóz qyzmetiniń málimetinshe, Báıterek aýdany Rýbejın aýylynda turatyn Igor Israılov 6 maýsym kúni úıinen belgisiz baǵytta shyǵyp, qaıta oralmaǵan.
«Boıy 175-180 sm, aryqsha kelgen, qysqa qıylǵan shashy aqshyl. Aýtızmmen aýyrady. Ústine qara kóılek, kók shorty, aıaǵyna kók krossovka kıgen. Kórgen-bilgen jandar bolsa, 8-777-184-04-90, 8-705-796-68-68 nemese 102 telefonyna qońyraý shalýlary suralady», - delingen habarlamada.
Aıta keteıik, birneshe kún buryn Aqtóbede aýtızmmen aýyratyn 13 jastaǵy jigittiń máıiti tabylǵan bolatyn.
