Bügın «AMANAT» partiiasy auqymdy ekologiialyq aksiia – «Taza Qazaqstan» Road-estafetasyn bastady. Osy aptada partiianyŋ jüzdegen belsendısı men «Jastar Ruhy» jastar qanatynyŋ volonterlerı «Astana – Almaty» tas joly boiynyŋ aumaǧyn tazartady.
Is-şaraǧa «AMANAT» partiiasynyŋ Atqaruşy hatşysy Däulet Kärıbek, Ekologiia jäne tabiǧi resurstar ministrı Erlan Nysanbaev, Qazaqstannyŋ qaitalama şikızatty qaita öŋdeuşıler qauymdastyǧynyŋ basqarma töraǧasy Batyrbek Äubäkırov jäne Mäjılıs deputattary qatysty.
Aksiia aiasynda belsendıler men volonterler jol boiynda, sondai-aq jolǧa ırgeles avtotūraqtar men kempingter aumaǧynda tazalyq jūmysyn jürgızedı. Tazalyq jūmysy kvadrokopterlerdı paidalana otyryp, äueden barlau derekterı negızınde jüzege asyrylady. Jinalǧan qoqys poligondarǧa jetkızıledı.
«Taza Qazaqstan» özımızden bastalady. Elımız eŋ aldymen öz otandastarymyz üşın taza ärı jaily boluy kerek. Sondyqtan Memleket basşysy būl mäselenı jalpyūlttyq deŋgeige köterdı. Tazalyq pen tärtıp – ömır süru normasyna ainaluǧa tiıs. «Taza Qazaqstan» Road-estafetasy tas joldardaǧy qoqys mäselesın şeşıp qana qoimai, qoǧamdy bırıktıredı, ekologiialyq mädeniet pen sana qalyptastyrady», – dedı «AMANAT» partiiasynyŋ Atqaruşy hatşysy Däulet Kärıbek.
Osylaişa, apta ışınde partiia belsendılerı men «Jastar Ruhy» jastar qanatynyŋ volonterlerı Aqmola, Qaraǧandy, Jambyl jäne Almaty oblystary arqyly ötetın ūzyndyǧy 1200 şaqyrymnan astam tas joldy tazalaidy.
Road-estafeta Ekologiia jäne tabiǧi resurstar ministrlıgı men «Jasyl damu» AQ qoldauymen ötude. Öz kezegınde, Qazaqstannyŋ qaitalama şikızatty qaita öŋdeuşıler qauymdastyǧy qoqysty tasymaldauǧa qajet jük kölıkterın ūsyndy.
Is-şaraǧa «1 komanda – 1 oblys» qaǧidaty boiynşa qūrylǧan komandalar qatysady. Komandalardyŋ qūramyna Mäjılıs jäne mäslihat deputattary kıredı. Sondai-aq olar ırı eldı mekenderde jastar qauymymen jüzdesıp, azamattarmen qoǧamdyq qabyldau ötkızedı. Road-estafetanyŋ jabylu saltanaty Qonaev qalasynda ūiymdastyrylady.
Eske sala keteiık, būǧan deiın «AMANAT» partiiasy Prezidenttıŋ «Taza Qazaqstan» jalpyūlttyq bastamasy aiasynda är apta saiyn ötkızıletın «Taza beisenbı» ekologiialyq aksiiasyn bastaǧan bolatyn. Eldı mekenderdegı lastanǧan aumaqtardyŋ kartasy äzırlendı. Sonyŋ negızınde elımızdegı jol boiyndaǧy aumaqtardan, önerkäsıptık aimaqtardan, tūrǧyn audandardan, äleumettık nysandardan jäne basqa da köptegen aumaqtardan 475 uchaske anyqtaldy.
Aita keteiık, su tasqynynyŋ qauıptı kezeŋı aiaqtalǧannan keiın «AMANAT» partiiasynyŋ 4 myŋǧa juyq belsendısı men «Jastar Ruhy» jastar qanatynyŋ volonterlerı qarǧyn sudan zardap şekken tūrǧyndardyŋ baspanasyn retke keltıruge kömektestı. Elımızdıŋ barlyq öŋırındegı barşa partiialyqtar saiabaqtardy, skverlerdı, aulalardy tazartyp, tarihi-mädeni jäne tabiǧi eskertkışterdı tazalauda. Sondai-aq senbılıkke şyǧyp, aǧaş egedı jäne özge de ıs-şaralardy ūiymdastyrady. Mäselen, 27 säuırde, iaǧni nebärı bır künde el aumaǧynda partiialyqtar 55 myŋ tüp aǧaş ektı.
Sondai-aq, ekologiialyq mäselelerdı şeşu – «AMANAT» partiiasynyŋ sailaualdy baǧdarlamasynda qamtylǧan maŋyzdy basymdyqtyŋ bırı. Sailaualdy uädelerdı jüielı jüzege asyru jūmysy aiasynda byltyr memlekettık orman qory aumaǧyna 302,7 mln tüp aǧaş egıldı. Sonymen qatar, 39 ırı önerkäsıptık käsıporynda auany lastauyn baqylaityn avtomattandyrylǧan jüie ornatyldy.
2027 jylǧa qarai partiianyŋ sailaualdy baǧdarlamasy aiasynda tūrmystyq qatty qaldyqtardy qaita öŋdeu jäne kädege jaratu ülesın 36%-ǧa deiın ūlǧaitu, Jaiyq özenınıŋ ekojüiesın qalpyna keltıru, Balqaş kölıne tūraqty su aǧynyn qamtamasyz etu, aua sapasynyŋ indeksın engızu, lastanǧan eldı mekende käsıporynnyŋ auany lastau normativterın 40%-ǧa deiın tömendetu, sondai-aq jūmys ıstep tūrǧan 16 su qoimasyn qaita jaŋartu jäne jaŋadan 14 su qoimasyn tūrǧyzu josparlanuda.
