Búgin ShQO ákimi Danıal Ahmetovtyń tapsyrmasyna sáıkes oblys ákiminiń orynbasary Almashan Smatlaev bastaǵan arnaıy jumys toby bas merdiger «Sınsın» kompanııasy júrgizip jatqan «Qalbataý-Maıqapshaǵaı» jol jóndeý ýchaskesindegi jumysshylarmen kezdesti. Jumys tobynyń quramynda ShQO prokýratýrasy, ShQO Ishki ister departamenti, oblystyq eńbek ınspeııasy basqarmasynyń, ShQO kólik jáne avtomobıl joldary basqarmasynyń basshylary, ShQO taýar jáne qyzmet qaýipsizdigi sapasyn baqylaý departamenti, «KazAvtoJol» AQ ShQOF basshylary bar.
Jumysshylardyń basty sharty – jumys jáne turý sharttaryn jaqsartý, jalaqy mólsherin kóterý. Kezdesý barysynda Oblys basshylyǵymen «Sınsın» kompanııasynyń bas dırektory arasynda ortaq kelisim hattamasyna qol qoıyldy:
Barlyq eńbek kelisimderi QR zańnamasyna sáıkes retke keltirilip, jumysshylarǵa 3 kún merziminde túsindiriletin bolady.
Eger jumysshylar túngi ýaqytta, demalys kúnderi, belgilengen ýaqyttan tys eńbek etse, jalaqy mólsheri 1,5 ese kóleminde tólenedi.
10 kún merziminde barlyq turǵylyqty jerlerde salqyndatqyshtar ornatylyp, QR zańnamasyna sáıkes retke keltiriledi.
Barlyq jumysshylarǵa 10 kún merziminde arnaıy jumys kıimi beriletin bolady.
Jumysshylardyń turatyn jerlerinde kúnine úsh ret tamaqtandyrý uıymdastyrylady.
Jumysshylardyń eń tómengi jalaqy mólsheri 80000-nan 120000 teńgege kóteriledi.
Jalpy jumysshylardyń jalaqysy atqarǵan jumystaryna sáıkes 120.000 teńgeden 360.000 teńgege deıin bolady.
Jaǵdaı qalypqa keltirildi, mekeme kestege sáıkes jumys istep tur. Saǵat 14.00-ge qaraı barlyq jumysshylar óz mindetterin atqarýǵa kiristi. Jumysshylar oblys basshylyǵyna máseleni tezdetip sheship jáne kórsetilgen kómekteri úshin rızashylyqtaryn bildirdi.
Budan tys, ShQO boıynsha memlekettik eńbek ınspekııasy basqarmasyna, «KazAvtoJol» AQ ShQOF-na (kelisim boıynsha) jáne ózge jaýapty quzyrly organdar aldyna Qazaqstan Respýblıkasy zańnamasyna sáıkes eńbek kelisimderine tekserý jumystaryn júrgizý mindeti qoıyldy. Sonymen qatar jol qurylysy men jóndeý jumystaryna jumyldyrylǵan sheteldik kompanııalardaǵy qazaqstandyq jumysshylarǵa jalaqy tóleý men eńbek jaǵdaıyn jasaýdy baqylaý.
Hattamanyń oryndalýy boıynsha ShQO ákimdigi tarapynan baqylaý júrgizý bekitilgen.
Shyǵys Qazaqstan oblysy ákiminiń baspasóz qyzmeti
"Adyrna" ulttyq portaly
