Salyq jüiesındegı sifrlandyru tolyq boluy kerek — AMANAT

1044
Adyrna.kz Telegram
https://adyrna.kz/content/uploads/2024/06/img_4739.jpeg

Bügın Mäjılıste «AMANAT» partiiasy fraksiiasynyŋ jiynynda deputattar Ükımet müşelerınıŋ jaŋa Salyq kodeksın äzırleu boiynşa esebın tyŋdady. Deputattar būl el ekonomikasyna, ärbır käsıpkerge jäne salyq töleuşıge tıkelei qatysy bar eŋ kürdelı jäne jan-jaqty talqylanatyn zaŋ jobasy ekenın atap öttı.

Söz basynda Mäjılıs Spikerı, «AMANAT» partiiasynyŋ Töraǧasy Erlan Qoşanov Memleket basşysy öz Joldauynda jaŋa Salyq kodeksın äzırleudı ekı jyl būryn tapsyrǧanyn atap öttı. Prezident salyq saiasaty ädıl, aşyq, tūraqty jäne barlyǧyna bırdei tüsınıktı boluy kerek ekenın bırneşe ret atap ötken bolatyn.

«Bügınde qoǧam jaŋa Salyq zaŋnamasynan ülken ümıt kütedı. Jaŋa zaŋ jobasy qazırgı salyq saiasatyna qatysty barlyq mäselenı şeşıp, Prezident jariialaǧan jaŋa ekonomikalyq saiasattyŋ negızın qalauǧa tiıs. Salyq jeŋıldıkterı tek fiskaldyq maqsattardy közdemeuı jäne jekelegen salalarǧa lobbizm jasamauy kerek. Olar bolaşaqqa baǧyttalyp, el ekonomikasynyŋ ūzaq merzımdı damuymen özara bailanysty boluy tiıs», - dedı ol. 

Erlan Qoşanov qazırgı Salyq kodeksınde orta biznestı damytuǧa tiıstı jaǧdai jasalmai otyrǧanyn jetkızdı. Kerısınşe, ondaǧy talaptar salyq zaŋnamasyn būzyp, tıptı ony ainalyp ötuge itermeleidı.

«Orta biznes sapaly ekonomikany damytudyŋ naǧyz qozǧauşy küşı boluy kerek. Būl – halyqaralyq täjıribe. Bärımız bıletındei, orta tap qanşalyqty küştı bolsa, ekonomika sonşalyqty tūraqty jäne myqty bolady. Sondyqtan bız orta biznestıŋ damuy üşın retteuşı jäne salyqtyq jaǧdai jasauymyz kerek», – dep atap öttı partiia Töraǧasy.

Erlan Qoşanov salyq jüiesınıŋ aşyqtyǧyn qamtamasyz etudıŋ basty qūraly retınde sifrlandyru mäselesıne erekşe nazar audardy. Salyqtyq äkımşılendırudıŋ servistık modelıne köşudı qamtamasyz etu üşın sifrlandyru jūmysy tolyqqandy jürgızıluge tiıs.

Premer-Ministrdıŋ orynbasary – Ūlttyq ekonomika ministrı Nūrlan Baibazarovdeputattarǧa jaŋa Salyq saiasatynyŋ negızgı baǧyttary turaly aityp berdı.

Memleket basşysy salyqtar sanyn kem degende 20%-ǧa qysqartu mındetın qoidy. Osyǧan bailanysty bıryŋǧai jer salyǧyn salyqtyŋ jeke türı retınde joiu, sondai-aq alymdardyŋ 6 türın jäne memlekettık bajdardyŋ 5 türın qysqartu ūsynylady. Būǧan qosa, azamattardyŋ zeinetaqy tölemderın jeke tabys salyǧynan bosatu, sondai-aq «sän-saltanatqa», onyŋ ışınde jiyntyq qūny 450 mln teŋgeden asatyn jyljymaityn mülık obektılerıne salynatyn salyq mölşerın arttyru josparlanuda.

Öz kezegınde Qarjy ministrı Mädi Täkiev salyq eseptılıgın qysqartu boiynşa ūsynylǧan şaralarǧa toqtaldy. Biznes subektılerı deklarasiialar men salyq esepterın uaqtyly ötkızbegenı üşın jauapqa tartylmaidy. Eger salyq mındettemelerı 1 mln teŋgeden kem bolsa, mülık pen jerge salynatyn, sondai-aq zaŋdy tūlǧalardyŋ kölık qūraldaryna salynatyn salyq boiynşa esep berudı alyp tastau ūsynylady.

Mäjılıstıŋ Qarjy jäne biudjet komitetınıŋ töraǧasy, «AMANAT» partiiasy fraksiiasynyŋ müşesı Tatiana Saveleva jaŋa Salyq kodeksınıŋ jobasyn Parlamentke engızu 2023 jylǧy jeltoqsannan osy jyldyŋ tamyz aiyna auystyrylǧanyn eske saldy.

«Merzımı neǧūrlym keiınge şegerılgen saiyn, salyq töleuşılerdıŋ, sarapşylar qauymdastyǧynyŋ, investorlardyŋ tüsınıspeuşılıgı men kümänı soǧūrlym arta tüsedı. 2030 jylǧa deiıngı salyq saiasatynyŋ Tūjyrymdamasy älı qabyldanǧan joq. Tiısınşe, salyqtyq yntalandyru tetıgın qai tūsta qosu, qai tūsta qataŋdatu kerek ekenı, būl qadamdar biudjet kırısıne qalai äser etetını turaly naqty közqaras joq», – dedı ol.

Ükımet ökılderı deputattardyŋ jaŋa Salyq kodeksıne jäne qazırgı salyq saiasatyndaǧy mäselelerdı şeşuge qatysty sūraqtaryna jauap berdı.

Jiyndy qorytyndylai kele, Mäjılıs Spikerı Erlan Qoşanov Ükımetke jaŋa Salyq kodeksı boiynşa jūmysty jedeldetu qajet ekenın jäne qūjat merzımınde Mäjılıske engızıluge tiıs ekenın atap öttı. Būl jūmysqa deputattar, sarapşylar jäne azamattyq qoǧam ökılderı qosyluǧa tiıs. Būl jūmys Biudjet kodeksınıŋ jobasymen qatar qarastyryluy kerek. Osy mäsele boiynşa Mäjılıs janyndaǧy Qoǧamdyq palatanyŋ jeke otyrysy ötedı.

Pıkırler