Búgin Májiliste «AMANAT» partııasy frakııasynyń jıynynda depýtattar Úkimet músheleriniń jańa Salyq kodeksin ázirleý boıynsha esebin tyńdady. Depýtattar bul el ekonomıkasyna, árbir kásipkerge jáne salyq tóleýshige tikeleı qatysy bar eń kúrdeli jáne jan-jaqty talqylanatyn zań jobasy ekenin atap ótti.
Sóz basynda Májilis Spıkeri, «AMANAT» partııasynyń Tóraǵasy Erlan Qoshanov Memleket basshysy óz Joldaýynda jańa Salyq kodeksin ázirleýdi eki jyl buryn tapsyrǵanyn atap ótti. Prezıdent salyq saıasaty ádil, ashyq, turaqty jáne barlyǵyna birdeı túsinikti bolýy kerek ekenin birneshe ret atap ótken bolatyn.
«Búginde qoǵam jańa Salyq zańnamasynan úlken úmit kútedi. Jańa zań jobasy qazirgi salyq saıasatyna qatysty barlyq máseleni sheship, Prezıdent jarııalaǵan jańa ekonomıkalyq saıasattyń negizin qalaýǵa tıis. Salyq jeńildikteri tek fıskaldyq maqsattardy kózdemeýi jáne jekelegen salalarǵa lobbızm jasamaýy kerek. Olar bolashaqqa baǵyttalyp, el ekonomıkasynyń uzaq merzimdi damýymen ózara baılanysty bolýy tıis», - dedi ol.
Erlan Qoshanov qazirgi Salyq kodeksinde orta bıznesti damytýǵa tıisti jaǵdaı jasalmaı otyrǵanyn jetkizdi. Kerisinshe, ondaǵy talaptar salyq zańnamasyn buzyp, tipti ony aınalyp ótýge ıtermeleıdi.
«Orta bıznes sapaly ekonomıkany damytýdyń naǵyz qozǵaýshy kúshi bolýy kerek. Bul – halyqaralyq tájirıbe. Bárimiz biletindeı, orta tap qanshalyqty kúshti bolsa, ekonomıka sonshalyqty turaqty jáne myqty bolady. Sondyqtan biz orta bıznestiń damýy úshin retteýshi jáne salyqtyq jaǵdaı jasaýymyz kerek», – dep atap ótti partııa Tóraǵasy.
Erlan Qoshanov salyq júıesiniń ashyqtyǵyn qamtamasyz etýdiń basty quraly retinde ıfrlandyrý máselesine erekshe nazar aýdardy. Salyqtyq ákimshilendirýdiń servıstik modeline kóshýdi qamtamasyz etý úshin ıfrlandyrý jumysy tolyqqandy júrgizilýge tıis.
Premer-Mınıstrdiń orynbasary – Ulttyq ekonomıka mınıstri Nurlan Baıbazarovdepýtattarǵa jańa Salyq saıasatynyń negizgi baǵyttary týraly aıtyp berdi.
Memleket basshysy salyqtar sanyn kem degende 20%-ǵa qysqartý mindetin qoıdy. Osyǵan baılanysty biryńǵaı jer salyǵyn salyqtyń jeke túri retinde joıý, sondaı-aq alymdardyń 6 túrin jáne memlekettik bajdardyń 5 túrin qysqartý usynylady. Buǵan qosa, azamattardyń zeınetaqy tólemderin jeke tabys salyǵynan bosatý, sondaı-aq «sán-saltanatqa», onyń ishinde jıyntyq quny 450 mln teńgeden asatyn jyljymaıtyn múlik obektilerine salynatyn salyq mólsherin arttyrý josparlanýda.
Óz kezeginde Qarjy mınıstri Mádı Tákıev salyq eseptiligin qysqartý boıynsha usynylǵan sharalarǵa toqtaldy. Bıznes sýbektileri deklaraııalar men salyq esepterin ýaqtyly ótkizbegeni úshin jaýapqa tartylmaıdy. Eger salyq mindettemeleri 1 mln teńgeden kem bolsa, múlik pen jerge salynatyn, sondaı-aq zańdy tulǵalardyń kólik quraldaryna salynatyn salyq boıynsha esep berýdi alyp tastaý usynylady.
Májilistiń Qarjy jáne bıýdjet komıtetiniń tóraǵasy, «AMANAT» partııasy frakııasynyń múshesi Tatıana Saveleva jańa Salyq kodeksiniń jobasyn Parlamentke engizý 2023 jylǵy jeltoqsannan osy jyldyń tamyz aıyna aýystyrylǵanyn eske saldy.
«Merzimi neǵurlym keıinge shegerilgen saıyn, salyq tóleýshilerdiń, sarapshylar qaýymdastyǵynyń, ınvestorlardyń túsinispeýshiligi men kúmáni soǵurlym arta túsedi. 2030 jylǵa deıingi salyq saıasatynyń Tujyrymdamasy áli qabyldanǵan joq. Tıisinshe, salyqtyq yntalandyrý tetigin qaı tusta qosý, qaı tusta qatańdatý kerek ekeni, bul qadamdar bıýdjet kirisine qalaı áser etetini týraly naqty kózqaras joq», – dedi ol.
Úkimet ókilderi depýtattardyń jańa Salyq kodeksine jáne qazirgi salyq saıasatyndaǵy máselelerdi sheshýge qatysty suraqtaryna jaýap berdi.
Jıyndy qorytyndylaı kele, Májilis Spıkeri Erlan Qoshanov Úkimetke jańa Salyq kodeksi boıynsha jumysty jedeldetý qajet ekenin jáne qujat merziminde Májiliske engizilýge tıis ekenin atap ótti. Bul jumysqa depýtattar, sarapshylar jáne azamattyq qoǵam ókilderi qosylýǵa tıis. Bul jumys Bıýdjet kodeksiniń jobasymen qatar qarastyrylýy kerek. Osy másele boıynsha Májilis janyndaǵy Qoǵamdyq palatanyń jeke otyrysy ótedi.