Bul 3882 otbasyn turǵyn úımen qamtamasyz etýge múmkindik beredi. Bul týraly oblystyń áleýmettik - ekonomıkalyq damý máseleleri jónindegi keńeıtilgen keńeste oblys ákiminiń orynbasary Dımıtrıı Garıkov atap ótti.
Aǵymdaǵy jyly jalpy aýdany 119,3 myń sharshy metr (1328 páter) 23 kredıttik úı salynýda, onyń 21 -i Semeıde bolsa 2 -i Aıagózde. Sondaı-aq, Semeıde jeke ınvestorlar esebinen jalpy aýdany 165,2 myń sharshy metr (1984 páter) 22 kommerııalyq úı salynýda.
Jeke turǵyn úı qurylysy (JTQ) 109,8 myń sharshy metrdi quraıdy (570 úı). Onyń ishinde turǵyndar esebinen 56 myń sharshy metr (300 úı) salynýda.
Budan basqa, halyqtyń áleýmettik osal toptary úshin jalpy aýdany 53,8 myń sharshy metrdi quraıtyn jalǵa beriletin 896 páter satyp alý josparlanýda. Buǵan 2024 jyly 13,9 mıllıard teńge bólindi. Turǵyndardyń jalǵa beriletin úılerdiń sapasy týraly kóptegen eskertýlerine jaýap retinde satyp alynatyn turǵyn úı qurylysynyń úlgilik jobasy bekitildi.
