Parlament Senaty Mass-media turaly Mäjılıs qabyldaǧan zaŋ jobasyn maqūldady. Būl turaly palatanyŋ Äleumettık-mädeni damu jäne ǧylym komitetınıŋ müşesı Aigül Qapbarova aitty, dep habarlaidy “Adyrna” ūlttyq portaly.
«Mass-media turaly» zaŋǧa mynandai jaŋaşyldyqtar engızu közdelgen:
Bırınşı, memlekettık emes būqaralyq aqparat qūraldaryna otandyq kontenttı damytu, Qazaqstan Respublikasynyŋ aqparattyq egemendıgın nyǧaitu jäne qorǧau üşın granttyq qarjylandyru berıletın boldy;
Ekınşı, būqaralyq aqparat qūralynda jariialanǧan aqparattar boiynşa jeke nemese zaŋdy tūlǧalardyŋ talap qoiu merzımı bır jyl bolyp belgılendı;
Üşınşı, BAQ sūraularyn qarau merzımı 7 jūmys künnen 5 jūmys künıne deiın qysqartyldy;
Törtınşı, BAQ qyzmetıne özın-özı retteuge, media salany damytuǧa mümkındık beru maqsatynda erıktı negızde qoǧamdyq-käsıptık keŋes qūruǧa jäne jurnalisterdıŋ ädep kodeksın äzırleuge mümkındık berıldı;
Besınşı, Memlekettık tıldegı tele, radiobaǧdarlamalardyŋ apta saiynǧy kölemın 50% - dan 60% - ǧa deiın kezeŋ-kezeŋımen ūlǧaitu belgılendı (2025 jyldan bastap 55%, 2027 jyldan bastap 60%); Altynşy, otandyq tele, radio baǧdarlamalardyŋ jäne qazaqstandyq avtorlardyŋ/oryndauşylardyŋ muzykalyq şyǧarmalarynyŋ otandyq tele, radioarnalardaǧy kölemın 50% - dan 60% - ǧa deiın kezeŋ-kezeŋımen ūlǧaitu (2025 jyldan bastap 55%, 2027 jyldan bastap 60%) közdeldı;
Jetınşı, otandyq tele, radioarnalardaǧy şeteldık baǧdarlamalardyŋ retransliasiiasyn 20% - dan 10% - ǧa deiın azaitu% belgılendı;
Segızınşı, jurnalistıŋ käsıbi qyzmetınıŋ qūqyqtyq kepıldıkterın qamtamasyz etu jönınde normalar engızıldı.
Sondai-aq, ol qoldanystaǧy ūlttyq zaŋnamada kezdesetın «būqaralyq aqparat qūraldary» sözı «mass-media» sözımen auystyrylatynyn atap öttı.Ūqsas jaŋalyqtar
