Biznesmen Qairat Boranbaev Ūlttyq paralimpiada komitetınıŋ prezidentı bolyp qaita sailandy. Būl turaly biznesmen 1 mausym künı Instagram jelısındegı resmi paraqşasynda jazdy, dep habarlaidy “Adyrna” ūlttyq portaly.
"Men Paralimpiada federasiialary ökılderınıŋ bırauyzdan şeşımımen ūlttyq paralimpiada komitetınıŋ prezidentı bolyp sailandym. Osy künı men qoldaǧandardyŋ bärıne alǧys aitqym keledı. Men üşın būl öte maŋyzdy qyzmet. Bız Qazaqstanda paralimpiadalyq qozǧalysty damytu jönındegı auqymdy strategiiamyzdy ıske asyru prosesındemız. Soŋǧy jyldary qol jetkızgen jetıstıkterımızge qaramastan, josparymyz köp", - dedı Boranbaev.
Biznesmennıŋ sözınşe, qazır Parijdegı Paralimpiada oiyndaryna qyzu daiyndyq jürıp jatyr. Jyl soŋyna deiın Astanada jaŋa jattyǧu ortalyǧynyŋ qūrylysy bastalmaq. Sondai-aq "Tarlan" inkliuzivtı mūz aidynyn qaita jaŋartu josparlanyp otyr. Būdan bölek paralimpiadaşylarǧa arnalǧan zamanaui trenajerler satyp alynbaq.
"Menıŋ maqsatym-paralimpiadalyq sporttyŋ tiımdı jüiesın qūru jäne Qazaqstannyŋ öŋırdegı sporttyq köşbasşylyǧyn nyǧaitu. Osy jolda menı qoldaityndardyŋ barlyǧyna rizamyn!", - dedı Qairat Boranbaev.
