Áleýmettik mańyzy bar azyq-túlik taýarlarynyń baǵasy tómendedi, dep habarlaıdy "Adyrna" ulttyq portaly.
Baǵa ındeksi bir aptanyń ishinde ózgerissiz qaldy. Ulttyq statıstıkalyq bıýro azyqtyń jyldyq mánde 0,6% tómendegenin anyqtady.
"Baǵa ózgerisi týraly kórsetkishter apta saıyn jańaryp otyrady. Baǵanyń ózgerýi týraly aqparat barlyq oblys ortalyǵynan, respýblıkalyq mańyzy bar qalalardan jáne astanadan jınalady. Ol úshin eldimekenniń ártúrli bólikterinde ornalasqan taýarlardyń keń assortımenti bar ártúrli tıptegi saýda obektileri (gıpermarketter, sýpermarketter, dúkender, kommýnaldyq bazarlar, áleýmettik dúkender men pavılondar) tańdalady", - delingen bıýro taratqan habarlamada.
Áleýmettik mańyzy bar azyq-túlik taýarlarynyń tizbesine 19 ataý kiredi. QR boıynsha áleýmettik mańyzy bar keıbir taýardyń baǵasy anyqtalǵan.
Kúrish – 491 tg/kg, qyryqqabat – 128 tg/kg, ııaz – 116 tg/kg.
