Halyqaralyq balalardy qorǵaý kúnine oraı elimizdiń ár túkipirinen kelgen oqýshylarǵa «Aqorda» rezıdenııasynda ekskýrsııa uıymdastyryldy, dep habarlaıdy “Adyrna” ulttyq portaly Aqordaǵa siltep.
Ekskýrsııaǵa elimizdiń barlyq óńirinen 81 bala, sonyń ishinde sý basqan aımaqtardan kelgen oqýshylar da qatysty. Aqordanyń kishkentaı qonaqtarynyń qatarynda halyqaralyq jáne respýblıkalyq olımpıadalardyń jeńimpazdary, oqý úzdikteri bar.
Atalǵan shara aıasynda balalar «Aqorda» rezıdenııasynyń ortalyq saltanatty holy men resmı qabyldaýlar jáne túrli jıyndar ótkizýge arnalǵan zaldaryn tamashalady. Rezıdenııa aýmaǵyndaǵy baqty aralap kórdi. Sondaı-aq balalar Qazaqstan Prezıdentiniń jumys tártibimen tanysty, elimizdiń bas ǵımaraty týraly qyzyqty derekterden habardar boldy.
Jasóspirimderge Memleket basshysynyń atynan estelik syılyqtar tabystaldy.
Sonymen qatar eki kúndik saıahat kezinde oqýshylar Prezıdenttik ortalyq, Ulttyq mýzeı, «Nur-Álem» pavılony sııaqty Astananyń kórikti jerlerin aralaıdy.
