Qazaqstan Prezıdenti Qasym-Jomart Toqaev perınatologııa jáne balalar kardıohırýrgııasy ortalyǵynyń dırektory Gúlnár Nurlanovany qabyldady, dep habarlaıdy “Adyrna” ulttyq portaly Aqordanyń baspasóz qyzmetine siltep.
“Kezdesý barysynda Prezıdent ana men bala densaýlyǵyn saqtaý salasy memleketimizdiń basty basymdyǵy sanalatynyn atap ótti. Qasym-Jomart Toqaev otandyq densaýlyq saqtaý júıesiniń aldynda júkti áıelder men balalarǵa medıınalyq kómektiń qoljetimdiligin ári sapasyn arttyrý, ana men bala ólimin azaıtý, balalardyń múgedektigin erte anyqtaý jáne aldyn alý jóninde mańyzdy mindetter turǵanyn aıtty. Memleket basshysy perzenthanalardyń ınfraqurylymyn nyǵaıtý jáne olardyń jumysyna ozyq standarttar men ádistemelerdi engizý qajettigine erekshe nazar aýdardy” delingen habarlamada.
Gúlnar Nurlanova Perınatologııa jáne balalar kardıohırýrgııasy ortalyǵynyń qyzmeti men jetistikteri jáne júzege asyrylyp jatqan jobalary týraly málimet berdi. Sondaı-aq Ortalyq elimizdegi týa bitken júrek aýrýlary bar naýqastardy baqylaýdyń tolyq ıkli júrgiziletin jalǵyz mekeme ekenin jetkizdi. Munda jyl saıyn 200 kardıohırýrgııalyq ota jasalady. Perzenthanada dúnıege keletin náresteler sany 9000-ǵa, onyń ishinde merziminen buryn týǵandar shamamen 3700-ge jetedi.
Prezıdentke fetaldi hırýrgııaǵa qatysty revolıýııalyq joba engizile bastaǵany jóninde baıandaldy. Medıınalyq kómektiń atalǵan baǵytyna sáıkes, týa bitken damý kemistikterin korrekııalaý úshin balaǵa qursaq ishinde jatqanda operaııa jasalady. Joba deni saý balany dúnıege ákelip, ana baqytyna bólenýge múmkindik beredi.
Qasym-Jomart Toqaev dárigerlerdi qoldaý máselelerine arnaıy toqtalyp, olardyń qoǵam úshin sińirip jatqan eńbegi mańyzdy ekenin atap ótti. Prezıdent bıyl medıına qyzmetkerleriniń múddesin qorǵaýǵa jáne dáriger qyzmetiniń mártebesin arttyrýǵa baǵyttalǵan zańǵa qol qoıǵanyn eske saldy. Sonymen qatar alǵash ret «Qazaqstannyń eńbek sińirgen dárigeri» memlekettik nagradasy bekitildi.
