Bıyl 25 mamyrda Qazaqstannyń tuńǵysh Qorǵanys mınıstri Saǵadat Nurmaǵambetovtyń týǵanyna 100 jyl toldy. Atalmysh dataǵa oraı Almatyda eske alý sharasy ótti, dep habarlaıdy “Adyrna” ulttyq portaly.
Is-shara Almaty qalasyndaǵy Saǵadat Nurmaǵambetov turǵan jáne eńbek jolyn ótkizgen úıdiń aldyndaǵy eskertkish taqta mańynda ótti.
Eske alý sharasynda belgili áskerı qaıratkerler, shendi áskerıler tóbe kórsetti. Olardyń qatarynda Sáken Jasuzaqov, Mahmut Teleǵusov, Sabıt Taýlanov boldy.
Saǵadat Nurmaǵambetovtyń shákirtteri jáne sol kisiniń izin basqan áskerı mamandar sóz sóılep, erlik isterin eske aldy.
Saǵadat Qojahmetuly Nurmaǵanbetov – áskerı qaıratker, armııa generaly, Keńes Odaǵynyń Batyry, Qazaqstan Respýblıkasynyń tuńǵysh qorǵanys mınıstri, «Halyq qaharmany», Almaty, Astana, Donek (Ýkraına) qalalarynyń, Aqmola oblysynyń, Aqkól aýdanynyń qurmetti azamaty.
