Elordada 800-den astam moped jürgızuşılerı jauapkerşılıkke tartyldy, dep habarlaidy “Adyrna” ūlttyq portaly Astana qalalyq IID baspasöz qyzmetıne sıltep.
«Qoǧamdyq tärtıp pen jol qauıpsızdıgın saqtaudyŋ aldyn alu jäne jolyn kesu maqsatynda elordalyq poliseiler motosikl jürgızuşılerınıŋ jol qozǧalysy erejelerın būzu faktılerın anyqtau boiynşa tūraqty jūmys jürgızedı. Esterıŋızge sala keteiık, biylǧy jyldyŋ basynan berı jol erejesın būzǧan 833 jürgızuşı jauapkerşılıkke tartyldy», - delıngen senbı künı taraǧan habarlamada.
Aqparatqa säikes, jaz mezgılı bastalysymen elorda joldarynda moped tızgındegen jürgızuşıler Qazaqstan Respublikasynyŋ jol qozǧalysy erejelerın jiı būzady.
Osyǧan orai, Astana qalalyq departamentınıŋ poliseilerı moped jürgızuşılerınıŋ zaŋbūzuşylyqtarynyŋ jolyn kesuge baǧyttalǧan reidtık şaralardy jüielı türde ötkızıp tūrady.
«Sonymen, jürgızılgen reidtık ıs-şaralar barysynda avtopatruldık polisiia qyzmetkerlerı täulık ışınde 43 jürgızuşını ūstady, olardyŋ törteuı kämeletke tolmaǧandar. Jol qozǧalysy erejesın būzǧany üşın 39 jürgızuşı men kämeletke tolmaǧandardyŋ tört zaŋdy ökılı äkımşılık jauapkerşılıkke tartyldy», - delıngen habarlamada.
Jol qozǧalysy erejelerın būzu anyqtalǧan jaǧdaida «102» arnasyna habarlasu kerek.
Ūqsas jaŋalyqtar
