Elordada 800-den astam moped júrgizýshileri jaýapkershilikke tartyldy, dep habarlaıdy “Adyrna” ulttyq portaly Astana qalalyq IID baspasóz qyzmetine siltep.
«Qoǵamdyq tártip pen jol qaýipsizdigin saqtaýdyń aldyn alý jáne jolyn kesý maqsatynda elordalyq polıeıler motoıkl júrgizýshileriniń jol qozǵalysy erejelerin buzý faktilerin anyqtaý boıynsha turaqty jumys júrgizedi. Esterińizge sala keteıik, bıylǵy jyldyń basynan beri jol erejesin buzǵan 833 júrgizýshi jaýapkershilikke tartyldy», - delingen senbi kúni taraǵan habarlamada.
Aqparatqa sáıkes, jaz mezgili bastalysymen elorda joldarynda moped tizgindegen júrgizýshiler Qazaqstan Respýblıkasynyń jol qozǵalysy erejelerin jıi buzady.
Osyǵan oraı, Astana qalalyq departamentiniń polıeıleri moped júrgizýshileriniń zańbuzýshylyqtarynyń jolyn kesýge baǵyttalǵan reıdtik sharalardy júıeli túrde ótkizip turady.
«Sonymen, júrgizilgen reıdtik is-sharalar barysynda avtopatrýldik polıııa qyzmetkerleri táýlik ishinde 43 júrgizýshini ustady, olardyń tórteýi kámeletke tolmaǵandar. Jol qozǵalysy erejesin buzǵany úshin 39 júrgizýshi men kámeletke tolmaǵandardyń tórt zańdy ókili ákimshilik jaýapkershilikke tartyldy», - delingen habarlamada.
Jol qozǵalysy erejelerin buzý anyqtalǵan jaǵdaıda «102» arnasyna habarlasý kerek.
