Dımashtyń Ystanbuldaǵy konertin kórermender joǵary baǵalady

884
Adyrna.kz Telegram

Dımash Qudaıbergen óziniń 30 jyldyq mereıtoıy qarsańynda Ystanbulda jeke konertin berdi, dep habarlaıdy “Adyrna” ulttyq portaly “QazAqparat”-qa siltep. 

Ystanbuldaǵy Beshıktash stadıonynda ótken Dımashtyń konerti kórý úshin álemniń kóptegen elderinen: Túrkııa, Qytaı, sondaı-aq, Eýropa, AQSh, Azııa men Afrıkanyń kóptegen qalalarynan jankúıerler jınaldy.

Ystanbuldaǵy 42 500 oryndyq «Beshıktash» stadıony lyq toldy.

Dımashtyń Germanııa men Argentınadan kelgen jankúıerleri konertke arnaıy ushyp kelgenderin aıtty.

”Biz onyń ánin tyńdaý úshin Ystanbulǵa keldik. Dımashtyń Túrkııada konert beretinin bilgen boıda bılet satyp aldyq”, - deıdi tyńdarmandar.

Dımash ónerin qazaq, túrik, aǵylshyn jáne qytaı tilderindegi halyqtyń eń súıikti ánderimen bastady.

Án arasynda Dımash kórermendermen: jerlesterimen qazaq tilinde, sheteldik fanattarmen aǵylshyn tilinde sóılesti. Sóz arasynda ánshi Ystanbulda óner kórsetkenine qýanyshty ekenin jetkizdi.

Sahnada ónerpazben birge túrik mýzykanttary Halýk Levent pen Býrak Ieter qonaq retinde óner kórsetti.

Sahnada qobyz, gıtara, dombyra úni kúmbirledi. Konert sońynda Dımash zamanaýı óńdeýde «Dúrdaraz» ánin oryndady. Jańa stılde qazaqtyń halyq áni búkil stadıondy dúr silkindirdi.

Esterińizge sala keteıik, keshe Dımash Qudaıbergenniń týǵan kúni bolatyn. Ánshi 30 jasqa toldy.

 

Pikirler