Semeide F. Dostoevskiidıŋ ädebi-memorialdyq muzeiınde "Muzei qorynan" körmesı aşyldy. Körmege 200-astam eksponat qoiylǧan. Olardyŋ basym köpşılıgın kıtaptar, jurnaldar, fotoapparattar men saǧattar kolleksiiasy qūraidy. Alaida, qūndy dünielerdıŋ arasynan erekşelengenı- qaşqar tiyny men qytaidyŋ siqyrly ainasy.
-Men būl ainany qaladan 20 şaqyrym jerden taptym. Onyŋ ortasy tesılgen boldy. Tıptı, ainany jerlengen jerden alynǧan degen nūsqa da bar. Siqyrly ainany qabırge salmas būryn, eşkım paidalanbasy üşın arnaiy tesılıp, būzylǧany baiqalady,-dedı "Priirtyşe" ölketanu qoǧamynyŋ töraǧasy Marat Sasanov.
Ölketanuşynyŋ paiymdauynşa, būl siqyrly ainaǧa şamamen 1000 jyl bolǧan. Odan qytai ieroglifterın köruge bolady. Aina pışını qisyq jäne qoladan jasalǧan.
-Onyŋ siqyrly dep ataluynyŋ basty sebebı-ainamen naqty ne bolyp jatqanyn eşkım de naqty bılmeidı. Aina arqyly qabyrǧaǧa kün säulesın jıbergende, qabyrǧada artqy jaqta ornalasqan suretter nemese jazbalar paida bolady. Sol üşın de ony tylsym dünielermen bailanystyrady,-dedı M. Sasanov.
Körmenı daiyndau barysynda muzei qyzmetkerlerı köne būiymnyŋ özge de siqyrly qasietterın baiqaǧan. Olar eksponatty jıpke ılgende siqyrly aina jan-jaqqa jyljyp, bet jaǧymen būrylmaǧan eken.
"Adyrna" ūlttyq portaly
