Semeıde el astanasy Nur-Sultan qalasynyń týǵan kúnine jáne Ulttyq Dombyra kúni aıasynda sondaı-aq, Jastar jylyna oraı «OPEN AIR-2019» jastar festıvali ótti.
Shara birneshe baǵytty qamtydy. Qatysýshylar Ertistiń oń jaǵalaýynan 750 metr qashyqtyqta 200 kg shashylǵan túrli-tústi boıaýlar sherýinde júgirip ótti. Sonymen qatar, Dombyra Party, Asyq Party, Urban Dance, Water party, Street Workoutt alańdary uıymdastyrylyp, merekelik konert júrgizildi.
- Búgin qalamyzda «ShQO Semeı qalasynyń ishki saıasat bólimi» memlekettik mekemesiniń memleketik tapsyrysymen jáne «Shyǵys Jastary» qoǵamdyq qorynyń uıymdastyrýymen jastar festıvali ótýde. Festıval aıasynda Iarkokross, Dombyra Party, Asyq Party Urban Dance, Water party alańadarymen qatar, tanymal juldyzdardyń qatysýymen merekelik konerttik baǵdarlama qoıylyp jatyr. Sonymen qatar, qatysýshylarǵa 1000-astam tegin balmuzdaq pen 1500-jýyq sýsyn taratyldy, - dedi «Shyǵys Jastary» qoǵamdyq qorynyń atqarýshy dırektory Aıdos Tóleýhanov.
Shara barysynda festıvalge qatysýshylarǵa arnaıy nómerler berilip, sol nómerler arqyly utys oıyndary oınatyldy.
- Biz Ulttyq dombyra kúnin ekinshi márte toılap jatyrmyz. Festıval aıasynda Dombyra party uıymdastyrylyp, Muqan Tólebaev atyndaǵy mýzykalyq ýchılıesiniń stýdentteri óz ónerlerin kórsetýde. Halqymyzdyń úni – Dombyra kúni qutty bolsyn, - dedi dombyrashy Aıjan Salıeva.
Aıta keteıik, festıvalǵa jalpy jıyny 2000- jýyq qala turǵyny qatysty.
"Adyrna" ulttyq portaly
