Jaqynda Jıenáli jáne Dostyq aýyldyq okrýgteri ákimderiniń qatysýymen baspasóz konferenııasy ótti. Elbasy Nursultan Ábishuly Nazarbaev aýyldyń turmysyn arttyrý maqsatynda memlekettik jáne salalyq baǵdarlamalarda kózdelgen, elimizde júrgizilip otyrǵan ishki jáne syrtqy saıasattyń negizgi baǵyttaryn júzege asyrýdy tapsyrǵan edi. Osy oraıda, eki aýyldyq okrýgtiń ákimderi byltyrǵy jyldy qorytyndylaı otyryp, qazirgi áleýmettik-ekonomıkalyq kórsetkishterdiń deńgeıi týraly aqparat berdi.
- Jıenáli aýyldyq okrýgi Semeı qalasynan 50 shaqyrym jerde ornalasqan. Okrýgtiń negizgi baǵyty – mal sharýashylyǵy. 2018 jyly «Jarqyn» jáne «Nur» qojalyqtary memleket tarapynan 21 mln. 700 myń sýbsıdııasyn alyp, búginde mal sharýashylyǵyn damytyp otyr. Al, 2019 jyldyń aýylsharýashylyq ónerkásibi keshenin damytýdyń 2017-2022 jyldarǵa arnaǵan nátıjeli jumyspen qamtý jáne jappaı kásipkerliktiń 2017-2021 jyldarǵa arnalǵan «Eńbek» baǵdarlamasy aıasynda Bókenshi aýylynyń turǵyny Beısembınov Madııar «Bıznes bastaý» baǵdarlamasymen jeke kásipker retinde tirkelip, shaǵyn nesıe alyp mal sharýashylyǵyn órkendetýge óz úlesin qosýda. Búgingi kúni barlyq áleýmettik nysandar onyń ishinde, Bókenshi aýylynyń dárigerlik ambýlatorııasy, Maraldy aýylynyń medıınalyq pýnkti, aýyldyq klýb, veterınarlyq pýnkt jumys jasap, halyq úshin qyzmet kórsetýde. Sondaı-aq, aýyldy abattandyrý, jaryqtandyrý, aýyz sýmen qamtamasyz etý jumystary da qarqyndy júrgizilýde,-dedi Jıenáli aýyldyq okrýginiń ákimi Gúljan Amanjolqyzy.
Dostyq aýyldyq okrýgi halqynyń da basty kásibi – mal sharýashylyǵy. Qazirgi ýaqytta 13 sharýa qojalyǵynda 640 bas iri qara ósirilýde.
- Dostyq aýyldyq okrýgi qaladan 25 shaqyrym jerde ornalasqan. Okrýg aýylsharýashylyǵyna baǵyttalǵan memlekettik baǵdarlamalar sheńberinde kózdelgen jumystardy atqaryp keledi. Qazirgi ýaqytta aýyldy sýmen jabdyqtaý jelisin salý jáne sý munarasyn qaıta iske qosýǵa arnalǵan jumystar júrgizilip jatyr. Sonymen qatar, kóshelerdi jaryqtandyrý máselesi de aldyńǵy qatarda tur,-dedi Dostyq aýyldyq okrýginiń ákimi Nurken Jarlıkenov.
"Adyrna" ulttyq portaly
