20 mamyr künı Memleket basşysy Qasym-Jomart Toqaev İran prezidentı İbragim Raisidıŋ qaitys boluyna bailanysty köŋıl aitty, dep habarlaidy “Adyrna” ūlttyq portaly.
Memleket basşysy İran İslam Respublikasynyŋ prezidentı İbrahim Raisi men ükımettık delegasiia müşelerınıŋ Şyǧys Äzerbaijan provinsiiasynda tıkūşaq apaty saldarynan qaitys boluyna bailanysty Qazaqstan halqynyŋ jäne jeke özınıŋ atynan osy eldıŋ Joǧary liderı Äli Hamenei men bırınşı vise-prezidentı Mohammad Mohberge jäne barşa iran halqyna köŋıl aitty.
“Tıkūşaq apaty saldarynan İran İslam Respublikasynyŋ prezidentı İbrahim Raisi men onyŋ senımdı serıkterınıŋ qaitys bolǧany turaly suyt habardy tereŋ küizelıspen qabyl aldym. İbrahim Raisi – İran memleketı men halqynyŋ äl-auqatyn arttyruǧa, müddesınıŋ mūqalmauyna, aimaqtaǧy tūraqtylyqty saqtauǧa öz ömırın riiasyz arnaǧan körnektı memleket qairatkerı. Onyŋ qolǧa alǧan bastamalary men jetıstıkterı halyqaralyq qauymdastyq tarapynan joǧary baǧalanǧany barşaǧa mälım. Qazaqstandyqtar İbrahim Raisidı parasatty basşy, halyqaralyq deŋgeidegı bedeldı saiasatker, ekıjaqty yntymaqtastyqty nyǧaituǧa zor eŋbek sıŋırgen tūlǧa retınde ärdaiym esınde saqtaidy. Marqūmdardyŋ jatqan jerı jaily, topyraǧy torqa bolsyn, – dep jazylǧan jedelhatta.
Ūqsas jaŋalyqtar
