Aqmola oblysy, Zerendi aýylyndaǵy orta mekteptiń aspazshylary jaǵa ustatar jaıtpen bólisti, dep habarlaıdy “Adyrna” ulttyq portaly.
Zerendi aýylyndaǵy №1 orta mekteptiń aspazshysy @nayzakokshe redakııasyna ashanadaǵy jaǵdaı týraly baıandady. Onyń aıtýynsha, ótken jyldyń qyrkúıek aıynan sáýir aıyna deıin jalǵa alýshynyń (mektep ashanasynyń meńgerýshisi) nusqaýymen qyzmetkerler birinshi aýysymnan qalǵan tamaqty jınap, keıin ekinshi aýysymnyń balalaryna berip otyrǵan. «Kesheden qalǵan» ónimder muzdatqyshta saqtalyp kelgen. Sondaı-aq, kásipker aspazshylardyń jalaqysyn tólemegen jáne zeınetaqy qarajatyn da eseptemegen.
Aspazshynyń aıtýynsha, ol prokýratýraǵa habarlasqan. «Ashanada qaldyqtardy paıdalaný faktileri jarııalanǵanymen» tekserý jabyldy.
Aspazshylar kún saıyn balalar ishpegen sútti shelekke quıyp, sýmen suıyltyp, kelesi aýysymnyń oqýshylaryna berýge májbúr bolǵan. Qalǵan kotletterdi, nan-toqashtardy, palaýdy tońazytyp, bir aptadan keıin balalarǵa qaıta berip otyrǵan.
Shaǵymyn jetkizgen Zerendilik aspazshy-áıel tekserý júrgizýdi surap, jalaqylaryn tóleýdi talap etýde.
Mektep basshylyǵy eshqandaı zańbuzýshylyq tabylmaǵanyn aıtty. «Durys tamaqtanbady degen aıyptaýlar negizsiz» dep atady.
Zerendi aýdandyq bilim bólimi qyzmettik tekserýdi bastady.
