Qazaqstan prezıdenti Qasym-Jomart Toqaev bas prokýror Ǵızat Nurdáýletovti qabyldady. Memleket basshysy bas prokýrorǵa Arystaǵy jarylysqa kináli tulǵalardyń bárin jaýapqa tartýdy tapsyrdy, dep habarlaıdy Aqorda.
Ǵızat Nurdáýletov memleket basshysyna qadaǵalaýshy organnyń bıylǵy birinshi jartyjyldyqtaǵy jumystarynyń nátıjeleri men aldaǵy kezeńge arnalǵan josparlary týraly baıandady.
Budan bólek, Toqaevqa bas prokýratýranyń quqyq qorǵaý organdarynyń qylmyspen kúreske jáne qoǵamdyq tártipti qamtamasyz etýge baǵyttalǵan úılestirý fýnkııasyn kúsheıtý jumystarynyń oryndalýy jóninde baıandaldy.
Sondaı-aq, Ǵızat Nurdáýletov azamattardyń konstıtýııalyq quqyqtaryn qorǵaý jónindegi sharalar týraly esep berdi.
Qazaqstan prezıdenti bas prokýrorǵa Arys qalasyndaǵy jarylystarǵa qatysty qylmystyq isti tergeý barysynda ádildik pen zańdylyqty qamtamasyz etýdi jáne kináli tulǵalardyń bárin jaýapqa tartýdy tapsyrdy.
Toqaev kúsh-jigerdi azamattardyń quqyǵyn qorǵaýǵa, sybaılas jemqorlyq pen kóleńkeli ekonomıkaǵa qarsy kúreske jumyldyrý qajettigin aıtty.
