Osyndai tösbelgıler qazaqty ırıtudıŋ basy boldy. Äuelde el auzyna qaraǧan bilerdı “sudebnyi bıi” dep bauyrǧa tartty, keiın yǧystyryp, kez kelgen ybyraiǧa taqty. Sodan şolaqbelsendılık bastaldy, alaqandai temırı bar adam basqa adamdarǧa, basqa rularǧa qyrǧidai tidı.
Sodan ol rular da osyndai temırge qol jetkızeiık dep jantalasty, patşa aǧzamnyŋ jandaralyna jalyndy.
Aqsaqal, bidı aqylyna qarai ardaqtaityn qazaqtyŋ tüsınıgı tübegeilı özgerıp kettı, myŋ jerden aqyldy bolsaŋ da patşadan taqqan şenıŋ bolmasa sen eşkım emessıŋ! “Patşaǧa jaqqan ebımız bar, keudege taqqan şenımız bar” ybyrailyq basty.
Būratanalardy bodandau saiasaty - ortaq, Süiınbaidyŋ patşa maqtaǧan manaptaryn aitqan Qataǧanǧa “tülkıge şapqan tazyǧa, oǧan da qarǧy taǧady” dep saluy tek aqynnyŋ emes, otarşyldyq jete qoimaǧan tūtas bır öŋırdıŋ közqarasy edı. Obşym, bi degendı taǧaiyndau aqyl-parasat turaly tüsınıktı būzdy, oiy ozǧan emes, jandaral qolyn sozǧan adam elge bilık aitty.
Sol ädet ekı jarym ǧasyrda qanǧa sıŋdı.
Serik Abikenuly
Ūqsas jaŋalyqtar
