Jylyoı aýdanynda tasqynnan zardap shekken 100-den astam otbasy jyljymaıtyn múlikti baǵalaý nátıjelerin aldy, dep habarlaıdy "Adyrna" ulttyq portaly.
Qulsarydaǵy sý tasqynynan zardap shekken úılerge keltirilgen zalaldy baǵalaý jáne tehnıkalyq saraptama qorytyndylaryn túsindirý boıynsha mobıldi toptar birinshi kúnniń jumysyn aıaqtady.
Alty mobıldi top Qulsarynyń 100-den astam turǵynynyń úılerine baryp, tasqynnan múlkine keltirilgen zalaldy baǵalaý jáne tehnıkalyq saraptama qorytyndylary boıynsha túsindirý jumystaryn júrgizdi.
Eki kún ótkennen keıin Qulsary turǵyndary baǵalaý komıssııasynyń sheshimimen kelise otyryp, memleketten kómek alý úshin Jylyoı aýdanynyń ákimdigine júgine alady.
Aıta ketý kerek, turǵyndardyń kópshiligi baǵalaý komıssııasynyń sheshimimen jáne usynylǵan ótemaqymen kelisken.
Zalaldy baǵalaý jáne múlikke tehnıkalyq saraptama qorytyndylaryn túsindirý boıynsha mobıldi toptardyń jumysy jalǵasýda.
Jumys tobynyń úı aralaý arqyly túsindirý jumystary shyǵyndardy baǵalaý proesi tolyqtaı aıaqtalǵanǵa deıin jalǵasady.
Zalaldy baǵalaý nátıjeleri jarııa etilgennen keıin, Jylyoı aýdanynyń ákimdigi eki baǵytta qarajat tóleý boıynsha jumys isteıtin bolady:
1. Eger úıler jóndeýge jatatyn bolsa, turǵyn úılerdi jóndeýge qarajat, sondaı-aq, zardap shekken múlik úshin ótemaqy tólenedi.
2. Úıler apatty dep tanylǵan jaǵdaıda memleket esebinen jańa úı salynady.
Ekinshi joly - Qulsary qalasynda nemese Atyraý oblysynyń aýmaǵyndaǵy kez kelgen eldimekende turǵyn úı satyp alýǵa, sondaı-aq zardap shekken múlik úshin ótemaqy tólenedi.
Aıta keteıik, Jylyoı aýdanynda sý basqan 2 920 úıdiń 2 906-sy sýdan qurǵatylǵan.
Búgingi tańda 2 667 turǵyn úı-jaı tehnıkalyq tekserýden ótip, 2 622 turǵyn úıge baǵalaý júrgizildi.
Zardap shekken turǵyndardan barlyǵy 3000-ǵa jýyq ótinim kelip tústi, baǵalaý jumystary jalǵasýda.
