Qūlsary qalasynyŋ tūrǧyndary äkımdık ǧimaratynyŋ aldyna taǧy da jinaldy, dep habarlaidy "Adyrna" ūlttyq portaly "Azattyq" radiosyna sıltep.
BAQ mälımetınşe, jinalǧandar ötemaqy mäselesın talqylauda.
«Qazır Qūlsary qalasy tūrǧyndarynyŋ ǧimarat aldynda su tasqynynan zardap şekkenderge ötemaqy töleu mäselelerı boiynşa jiyny ötude», - dep habarlady Atyrau oblysy boiynşa jedel ştaby.Jylyoi audany äkımdıgınıŋ aldyna jinalǧandarǧa qala basşysy Jūmabek Bairaqbaev jaŋa baspana beru tetıgın tüsındırıp jatyr. Qūlsary tūrǧyndarynyŋ aituynşa, äkımdık "baspana şyǧynyn tūrǧyndar qolyna bermeimız" dep aitqan.
"Ol aqşaǧa basqa üi alasyŋ nemese soǧan belgılengen jerden üi salyp beremız deidı. Jaŋa Qaraton auyly men Bolaşaq yqşam audanynan nemese Atyrau oblysynan taŋdaǧan üidı alyp beremız dedı. Halyq būǧan narazy. Aqşasyn qolǧa ber, özımız salamyz dep otyrmyz", - deidı tūrǧyn Gülbi Quanyşqyzy.Jūrt "merdıgerler üidı sapasyz salady" dep alaŋdap otyr. Tūrǧyndar üi ırgetasyn özı qalap, sapaly salǧysy keletının aitady. Eske sala keteiık, ötken aidaǧy apat saldarynan Jylyoi audanynda 2920 üidı su basqan. Bügınde onyŋ 2906-sy sudan tazartylyp, 2667-ne tehnikalyq tekseru jürgızıldı. Al 2622 tūrǧyn üige saraptama jürgızıldı. Barlyǧy 3000-ǧa juyq ötınış tüsken. Su tasqynynan zardap şekken 3904 tūrǧynǧa 100 paiyz bırjolǧy järdemaqy berıldı.
Ūqsas jaŋalyqtar
