Qazaqstannyŋ Bırıkken Arab Ämırlıkterındegı (BAÄ) elşılıgınıŋ keŋesşısı Säken Mamaştyŋ äielı Karina Mamaş Astanadaǧy «Qorǧau» daǧdarys ortalyǧyna ornalasty. Būl turaly «Qorǧau» daǧdarys ortalyǧy mälımdedı, dep habarlaidy “Adyrna” ūlttyq portaly.
«Karinany äuejaida onyŋ jaqyn dostary kütıp aldy, bıraq küieuınıŋ tuystary da keldı. Balalary üşın qoryqqan ol daǧdarys ortalyǧyna jügıngen. Qazırgı uaqytta ol äpkesı jäne balalarymen bırge Daǧdarys ortalyǧynda ornalasqan, psiholog pen zaŋgerdıŋ kömegı men qyzmetın aluda», - dep habarlady «Qorǧau» daǧdarys ortalyǧynan.
Aita keteiık, «Qorǧau» daǧdarys ortalyǧy – zorlyq-zombylyq körgen äielder men balalarǧa arnalǧan baspana. Onda olar tegın psihologiialyq jäne zaŋgerlık kömek ala alady.
Būǧan deiın Karina Mamaş äleumettık jelıde elşı küieuı ony 10 jyl boiy ūrǧanyn mälımdegen bolatyn. 5 mamyrda ülken äpkesımen bırge soqqyǧa jyǧylǧan.
Keiın Syrtqy ıster ministrlıgı Säken Mamaşty Qazaqstanǧa şūǧyl şaqyrtyp alǧanyn habarladyq.
