«Qazaq fýtboly ırk, bizdiń oǵan qatysqymyz kelmeıdi»

3179
Adyrna.kz Telegram

«Taraz» fýtbol klýbynyń bas bapkeri Vahıd Masýdov qazaq fýtboly sport emes ırkke uqsaıdy dep málimdedi. Qazaqstan premer-lıgasynyń 18-týry aıasynda ótken «Oqjetpes» - «Taraz» oıynynan keıin bas bapker Vahıd Masýdov tóreshilikke qaratyp syn pikir aıtty.

- Bul fýtbol emes, naǵyz ırk. Bizdiń oıynshylar da osy kórinistiń ishine kirip ketkenine ókinemin. Tóreshilik tarapyna talaı márte syn aıttyq. Esheteńe de ótpeı jatyr. Bul qashanǵa deıin jalǵasýy múmkin? - dedi bas bapker.

«Oqjetpes» pen «Taraz» arasyndaǵy oıynnyń birinshi taımynda Serj Nıýadzı gol soǵyp, «Taraz» esepte alǵa shyqty. Biraq, taım aıaqtalar tusta tóreshi Arman Esmuratov «Taraz» qorǵaýshysy Mıhaılo Iovanovıchti alańnan qýdy. 10 adammen oınaǵan jambyldyq fýtbolshylar qorǵanysqa myqtap bekinip, qaqpalaryn uzaq ýaqyt aman saqtady. Alaıda, kezdesý tóreshisi daýly penaltı belgilep, fýtbolshylardy daýlastyryp tastady. Penaltıden gol salǵan «Oqjetpes» oıynshylary basymdylyq alyp, bir fýtbolshysy kem «Tarazdy» 3:1 esebimen jeńdi.

Baspasóz máslıhatyna qatty qapaly kelgen Vahıd Iýnýsuly el fýtbolyndaǵy barmaq basty kóz qysty áreketterdiń bar ekenin meńzep aıtty.

- «Taraz» komandasy eshteńege talaspaıdy. Biz Ulttyq quramaǵa kóptegen jastar daıarlap berip otyrmyz. Qazir de sol ispen shuǵyldanyp júrmiz. Biz mundaı jaǵdaılarǵa tap bolmaýymyz kerek. Ishtegi jaǵdaı osyndaı bolǵan soń, halyqaralyq arenada únemi opyq jep otyramyz. Mysaly, osy oıynnyń birinshi taımyn biz qalaı keremet oınadyq, - dedi «Taraz» fýtbol komandasynyń bas bapkeri Vahıd Masýdov.

Aıta ketýimiz kerek osydan bir aı buryn "Jetisý" komandasynyń bas bapkeri Dmıtrıı Ogaı tóreshilikti qatty synap, 500 myń teńge kóleminde aıyppul tóledi.

Ermuhamed Máýlen

inbusiness.kz

Pikirler