Nur Otan partııasynyń eks-hatshysy Tamara Dúısenova jańa laýazymǵa ıe boldy, - dep habarlaıdy Tengrinews.kz tilshisi Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Tamara Dúısenova "Eńbek resýrstaryn damytý ortalyǵynyń" (ERDO) prezıdenti bolyp taǵaıyndaldy. 15 shildede eńbek jáne halyqty áleýmettik qorǵaý mınıstri Berdibek Saparbaev "Eńbek resýrstaryn damytý ortalyǵy" AQ ujymyna jańa basshyny tanystyrdy. Ortalyqtyń burynǵy basshysy Erbol Ospanov "ERDO" AQ birinshi vıe-prezıdenti qyzmetine aýysty. "Tamara Qasymqyzy áleýmettik-eńbek salasyn damytýǵa eleýli úles qosty, búginde tıimdi eńbek naryǵyn damytý, eńbek resýrstarynyń sapasyn arttyrý, áleýmettik jáne zeınetaqymen qamtamasyz etý, halyqty jumyspen qamtý, áleýmettik-eńbek salasyn ıfrlandyrý jáne el basshylyǵy qoıǵan basqa da tapsyrmalar úshin qajetti tájirıbesi bar", - dep atap ótti mınıstr.
Buǵan deıin Tamara Dúısenovanyń basqa jumysqa aýysýyna baılanysty Nur Otan partııasynyń hatshysy qyzmetinen ketkeni habarlanǵan. Ol bul qyzmetti 2018 jyldyń aqpanynan bastap atqardy. Tamara Dúısenova Tashkent halyq sharýashylyǵy ınstıtýtyn bitirgen. Ekonomıka ǵylymdarynyń kandıdaty. Ár jyldary jaýapty basshy laýazymdaryn atqardy. Shymkent qalasy ákiminiń birinshi orynbasary, Ońtústik Qazaqstan oblysy ákiminiń orynbasary, Eńbek jáne halyqty áleýmettik qorǵaý mınıstrliginiń vıe-mınıstri, jaýapty hatshysy, Densaýlyq saqtaý jáne áleýmettik damý mınıstri, eńbek jáne halyqty áleýmettik qorǵaý mınıstri bolyp jumys istedi.
"Adyrna" ulttyq portaly
