Mınıstrlik málimetinshe, eń kóp aqshalaı syılyqty olımpıada, paralımpıada jáne sýrdlımpıada oıyndarynyń chempıondary men júldegerleri alady. Altyn júldeger atanǵan sportshylar men olardyń jattyqtyrýshylaryna árqaısysyna 250 000 dollardan beriledi, kúmis júlde úshin 150 000 dollardan, qola úshin 75 000 dollardan beriledi.
Álemdik rekord ornatqan kez kelgen qazaqstandyq sportshyǵa memleketten aqshalaı syıaqy beriledi. Rekord ornatqan sportshy men onyń jattyqtyrýshysy 5000 dollar kóleminde syıaqy alady.
Aıta keteıik, halyqaralyq olımpıada komıteti sportshylarǵa aqshalaı syılyq tólemeıdi. Qatysýshy elder ǵana óz sportshylaryn marapattaıdy. Al Qazaqstan sportshylaryna eń kóp syıaqy (altynǵa 250 000 dollar) beretin elder tiziminde.
Syıaqy boıynsha reıtıngtiń kóshbasshysy - Sıngapýr, bul elde chempıonǵa mıllıon dollarlyq chek beriledi. Alaıda, bul aqshaǵa salyq salynady, qarjynyń bir bóligi sportty damytýǵa jáne keıingi jattyǵý shyǵyndaryn jabýǵa jumsalady.
Ulybrıtanııada, Shveııada, Horvatııada, Norvegııada jáne álemniń basqa da birqatar elderinde olımpıada jeńimpazdaryna eshteńe tólenbeıdi. AQSh-ta olımpıada chempıony 37,5 myń dollar alsa, Reseıde 54,5 myń dollar alady. Al Nıgerııa men Senegal úkimetteri júldeli sportshylaryna sıyr syıǵa tartady.
Aınat QABIDÝLLAEV
