Túrkistan oblysy ákimdiginiń baspasóz qyzmeti Arysta bolǵan tótenshe jaǵdaıǵa baıdanysty 100 myń teńge ótemaqy beriletin eldi mekenderdiń tizimin jarııa etti.
"Arys qalasyndaǵy tótenshe jaǵdaıǵa baılanysty 100 myń teńge ótemaqy berý boıynsha túrli saýaldar týyndaýda. Kórshi eldi meken turǵyndarynan suraqtar kelip túsýde. Alaıda QR Úkimeti bekitken tizim boıynsha ótemaqy beriledi. Atap aıtqanda, Arys qalasy boıynsha - 44 994 adam, Aqdala aýyl okrýginde - 4 324 adam, Qojatoǵaı aýyl okrýgi boıynsha - 4 232 adam, Dermene aýyl okrýginde - 2 052 adam. Jalpy birinshi kezekte 55 602 turǵynǵa 100 myń teńgeden 5,6 mıllıard teńge kóleminde ótemaqy tóleý josparlanyp otyr. Ótemaqy tóleýge QR Úkimetiniń rezervi esebinen 3 mıllıard teńge, oblystyq bıýdjetten 1 mlrd. teńge jáne arnaıy qurylǵan "Túrkistan" áleýmettik qoryna túsken qarjydan 1,6 mıllıard teńge bólinedi dep kútiledi. Jergilikti turǵyndardan qujattardy qysqamerzimde jınaýǵa Arys qalasyndaǵy 17 sektorda bekitilgen tıisti mamandar jáne aýdan, qala ákimdikteriniń qyzmetkerleri jumyldyryǵan. Olar 2019 jyldyń 3 shildesinen bastap ótemaqy alýǵa ótinishter jınaqtalyp jatyr. Arystaǵy tótenshe jaǵdaı: Oqıǵanyń hronologııasy Eske salaıyq, 24 maýsymda Túrkistan oblysyndaǵy Arys qalasynda áskerı bólimsheniń terrıtorııasynda jarylys bolǵan edi. Onyń saldarynan úsh adam qaza tapty.
"Adyrna" ulttyq portaly
