Jaiyq özenınıŋ su deŋgeiı qauıptı deŋgeiden 7 sm asty, bıraq Oralǧa qauıp tönıp tūrǧan joq. Būl turaly Batys Qazaqstan oblysy tötenşe jaǧdailar departamentı öŋırdegı su tasqyny jönınde aqparat berdı, dep habarlaidy “Adyrna” ūlttyq portaly.
BQO TJD bastyǧynyŋ mındetın atqaruşy Ruslan Qasybaevtyŋ aituynşa, saiajai tūrǧyndaryn aldyn ala eskertu jūmystary jürgızılıp, barlyǧy qauıpsız jerge şyǧaryldy, delıngen Ortalyq kommunikasiialar qyzmetınıŋ Telegram-daǧy arnasynda jariialanǧan aqparatta.
«Su köterılgende saiajaidy küzetemız dep qaityp barǧan azamattar bar ekenı anyqtaldy. Qūtqaru jūmystary jürgızılıp, su basqan saiajailardan adamdar şyǧaryldy. Stenovik, 1, 2, 3-saiajailarda su deŋgeiı köterılıp, avariialyq qūtqaru jūmystary jürgızılıp jatyr. 1 tıkūşaq, 10 qaiyq, jeke qūramnan 230 juyq adam tartyldy. Osy jūmystardyŋ arqasynda Oral qalasyna qauıp joq», - dedı spiker OKQ alaŋynda ötken brifingte.
Būl rette Batys Qazaqstan oblysy äkımınıŋ orynbasary Qaliiar Aitmūhambetov evakuasiialaudan bas tartqan azamattar mäjbürlı türde evakuasiialanatynyn atap öttı.
«10 evakuasiialyq punkte 2360 adam ornalasqan, älı 2786 adamǧa oryn bar. Onda barlyq jaǧdai jasalǧan», - dedı spiker.
Ūqsas jaŋalyqtar
