Buǵan deıin «áıelderińe ıe bolyńdar!» dep Arys oqıǵasy kezinde aty daýǵa ilikken Shymkent qalasynyń ákimi Ǵabıdolla ÁBDIRAHYMOV Shymkenttegi qyz alyp qashýǵa baılanysty qyzdardyń ózin kinálady. Ol bul týraly Úkimet otyrysynan keıin jýrnalıstrege bergen suhbatynda aıtty.
Jýrnalısterge Shymkent qalasynyń 2023 jylǵa deıin damý josparyn aıtyp bergen ákim sóz arasynda Shymkent qalasyna týrısterdi tartý úshin eń qaýipsiz qalaǵa aınaldyrý máselesine toqtalǵan. Osy sózden keıin Shymkentte qyz alyp qashý máselesiniń áli de bar ekenin alǵa tartqan tilshiler «qyzdarǵa sizdiń qalaǵa barý qaýipti emes pe?» degen suraq qoıdy.
"Shymkentte qyzdardy alyp qashpaıdy. Qazir osy taqyryptyń aınalasynda bolyp jatqan jaǵdaılarǵa qarasań, bul Shymkent týraly ásheıin bir daqpyrt qana. Biraq, keıde osy qyzdardyń ózi meni alyp qashyp ketse ǵoı deıtin sııaqty", - dedi ákim.
"Adyrna" ulttyq portaly
